Zan hnuhnung ber

Hunte an inher liam zel a

Lei  pangpar mawinate an chuai a

Chutin kan hlimlainite pawh 

Hma takin an ral leh thin

Kum te an vei mawlh mawlh hnu chuan hma taka kan thawh a, peih lo chung pawha tihluihna avanga kan tih luih thinna hmun Hostel chu chhuahsan a lo hun ve ta. Pathian hruainaah lawmthu ka sawi mawlh mawlh e. Khang hun harsa tak kara hlimna kan hmuhte kha a va han ropuiin a va han hlimawm tak em!! Heti ang hun a lo thlen hian rilruin kil tin kil tang a fang a, kan chet chhiatna leh ka Hero laite mittthlaah a lo lang chuai chuai a. Chung hunte chu thawnthu mai an chang tawh dawn si a, ngai mahila koh kir theih an chang tawh dawn si lo.
Nunhlui leh Lunglen hi engtikah mah kan then hrang thei dawn lo va, chuvangin lunglenna chu kan hma a awm, kan kut zala tla a lo ni ta a ni.

Ka vei reng thin che asin

            Hmangaih biahthu hlan lo che mah ila, ka thinlung lalnu chu i ni asin. I hlimna thlen lo che mah i la, i kiang a ka awm chuan ka hlim thin asin. Harsatna i tawh changa i kianga thlamuantu nih hi ka la chak reng a, hlimna leh lawmna i tawn nia i hlimna tawmpui hi ka thlahlel bang ngai lo. I harsatna hriatthiampui ngai lo chein, i kianga ka awmin ka hlim thinzia hrilh lo che mah ila, eng lai pawhin ka thinlungah hian i awm reng a, ka vei reng thin che asin. Nia, fiamthu hmangin Chanchin Tha an hril ngai lo va, zu dawrah bawnghnute an lam ngai hek  lo. Vawi khat chauh tal hun min pe leh la, i hlimna  a nih dawn phawt chuan ka eng pawh ka huam a, ka theih bak pawhin ka la tum fan ang. Min hrilh rawh, min la mamawh a ni tih min hrilh rawh. Vawi khat chauh tal hun min pe leh la, nang tihlim tur chein hun tlem te chauh min pe leh rawh. Ka vei reng thin che asin.

Ka post hi a bo then a....sorry my dear reader..

Jesus, Take the Wheel

Exam hnaih tawh vang nge pawh ka hre lo thu chhuah tur avang thei hle mai. Heti lam hi han ti daih teh ang.

Hringnun hi a mak a, hlimna tur emaw kan tihte hian tahna min thlen leh si thin. Harsatnate hi a bawr bawrte hian  a lo thleng ni hian a hriat thin. Hei hi mihring tung chho a kal zingah hian pumpelh an awm kher lo ang. Harsatna ka tawh chang te, beiseina reng reng nei lo ni a ka inhriat changte chuan he hla hi ka ngaihthla a, tawngtaina nen nasa takin min pui thin. Ka fawntea hla awm 537 zinga min hnem theitu awm chhun a ni a, a satu Carrie Underwood hian a thiam bawk a, in hringnuna harsatna in tawh apianga in ngaihthlak atan ka rawn chhawp chhuak e.

Artist: Underwood Carrie
Song: Jesus, Take The Wheel
Album: Some Hearts

Carrie Underwoods
Some Hearts [2005]

Thlalak thar lam

fanghmirbu ni awm tak a ni

a ngil ve char char hle

hei pawh hi a ni tho....december 2010 vela lak a ni

5ive Types of Love

            Hmangaihna hi eng nge? Chhang thei kan awm chuan kan chhan dan chu keimahni ngei pawhin a kan awih loh leh turte a nih ka ring. Hetiang khawp a thil ropui Hmangaihna hi enge a nih i lo en dawn teh ang. Eng nge hriat a har rual rual hian kan mifingte chuan chi hrang hrang pangaah an lo then a. A mal te tein i lo thlir teh ang.

           1. Agape (ἀγάπη agápē): Hei hi Pathian leh mihring inkara hmangaihna sawi nana hman thin a ni.
Chanchintha Johana ziak, bung 3 chang 16-ah chuan heti hian kan hmu a. "Pathianin khawvel a hmangaih em em a, chuti chuan a fapa mal neihchhun a pe a, Amah chu, tupawh a ring apiang an boral loh a, chatuana nunna an neih zawk nan. {For God so loved the world that he gave his one and only Son, that whoever believes in him shall not perish but have eternal life}". tiin.Hei hi hmangaihna a ni. Chatuan a hremna kan tawrh chu phal lo vin a fapa mal neih chhun chu min pe a. Chu chu hmangaihna a ni.

            2. Eros (ἔρως érōs): Hei hi Romantic Love an ti thin a, nula leh tlangval inkara hmangaihna a ni.

Chawhchawrawi rawih

Rawih 1-na:

Kan zing thote hi kan han bui chuk a, tha reng reng a tho eih si lo. Nilengin kan ni churh a, kan kalte hi kan kun ang ta tluk tluk a, tihngaihna dang hriat loh chuan a pumpelh theih mai bik si loh. Rilruin vai fim a hmu kur a, hlim lai nite mitthla changin mit a thip em em a. Hmangaihnain a back-kick tawh chu an nawi nuaih an tihte chu hre ru kur chuan kan han inthiam chawp ve leh mai a, thiam erawh kan chang chuang si lo. Ni lukin ni kan vuiliam a, zan lamah lah eng eng emaw kan ngaihtuah ve tum hrang a, theih nise..kan inti zantin mai a nih hi.
Mahse maw,

Ka lungmawl vangin ka lungleng lova
Ka khaw hlat vangin ka khawhar hek lo
Thiante thenin
D`in D dang D mahse
Chhungte ka chhun chhung chu
Kei hi kei ka ni reng ang
Keimaha keimah kha keimah ka ni tlat si

Rawih 2-na:
(More than words)

Nizan ka mu chu ti hian ka ngaihtuah mai mai a, ‘mu chung lo pawn ka ngaihtuah thei tho si a’ tiin.

Muhil thawh a hun e

Nia, thalai muhilte thawh a hun tak zet ta. Zing ni chhuah ruala i thawh loh khan ka dem lo che a, in vawkpui chaw ngen ngek ruaih ruaih pawhin a tih harh zawh loh che avang pawh khan ka dem chuang lo che. I nu`n tukthuan ei tura a kaih thawh a tum che a, Suangpuilawn a la ti ta ta deuh deuh tih mai tura i puankawp i la sin that surh surh kha mak ka ti lo. Mut hi a nuam a, taksa tan pawh a tha ngei alawm. Mahse maw, i mut tam lutuk chuan i pang tite a lo kham ang a, natna tha lo zawk in a nangching mai ang che. Chumi a thlen hma chuan tho la, tho thuai rawh.

I ram tana i thawh pawh hi a hun tawh asin. Rorel lai party thil tih that loh sawisel rengtu chuan i sum ngainat luat avangin inthlan dawn meuh chuan i lo angel var hmuh leh mai zel a, an hnathawh tha lo tak takte leh hna tha an thawh lohte chu hmuhhmaih ni awm takin i lo thlang tling leh thin si. Tu thiam loh nge? Tunge indem thei chuang awm? Nang leh kei lo chu ram tana tho tur kan awm chuang lo asin.

Mi fate chuan i puankawp i pawh sawih sawk sawk lai khan hmatiang sawn zai relin, chemtum nen thlawhhma lam panin an liam suau suau tawh asin. Nang lah thlamuang takin i la mu thlurh thlurh mai si. Aw, ka thian,i dawn chiang lo a ni. In chhungkaw inghahna i la ni mai dawn tih i hre lo em ni? Nge, chakna reng i nei tawh lo?