I din thar leh ang u

Chanchin Tha-in kan ram a rawn luh hnu-a kan changkan tak dan te, zirna lama hma kan sawn chakzia leh India ram pum-a ziak leh chhiar thiam lama pahnihna hial kan lo ni te hi Pathian malsawmna a ni tih hai rual a ni lo. Thiamna sang zawk beiseiin kan thalai tam takte`n mahni in chhung lum pawh thlahlel zo lovin, hnam dang karah, thin phu dep depin an awm a. An thawhrimna leh an tumruhna rah thlum tak chu seng ngei tura tan nasa tak an la hmuh hi chuan a thlamuanthlak em em thin a, a lawmawm bawk a ni.

Bazarah han chhuak ila, thalai rual inpel suau suau han hmuhte, an thuam mawi tak tak han hmuhte keini ang chuan "Kan ram chu kan lo va changkang tawh tak em!", kan ti mai ang. Mahse, kan incheinate chu mawiin a mante chu to hle mah se kan mawina chuan en chet a dawl lova, hnam dangte hnuihsawh kan hlawh leh mai thin. Hei hi zawng a pawi a ni e.

Missionary Break-up

Ka room-a ka inkhelh lai chuan ka thianpa hi a lo lut a, a hmel han en mai pawh chuan sawi duh tam tak a nei tih a hriat theih a. Lungngaihna tam tak a nei tih hai rual a ni lo.

Ka thianpa hi Missionary a ni a, keini ang bawk a mihring a nih avangin harsatna tam tak a tawng ve tawh thin tih chu ka hria. Mahse, tun ang em em-a a hlim lo hmel hi ka la tawng ngai lo! A meng dul ruih leh a sam bua chuatte chu hmuh hmaihsak tum mahila, a chetdan chuan engkim a sawi vek si. Ka khum-a a thut hnu chuan a bialnu nena an chanchin chu min hrilh ta a.

An ti (Facebook leh Fiamthu)

Mi tumah tihchhan ka nei lo a ni a. I lo hmu ve a nih pawhin engahmah lo ngai lo mai rawh.

1. Facebook Profile picture angin kan tha lova, kan Voters ID ami angin kan chhe hek lo an ti.
2. Facebook-a active deuh deuh hi Evergreen-a/i an ti.
3. Mizo zingah Facebook eizawn nana hmang an awm an ti.
4. Facebook-ah Paul-a fapa Hringa ni awm tak tak an tam an ti.
5. Krismas hnaihah Relationship status thlak an tam an ti.
6. Mi active hre thei deuh deuh hi an active duh zek an ti.
7. 'Facebook hi a boring' tia iak iak thin hian an ning tak tak lo an ti.

Zanlai au aw

A lo tlai leh tawh hle mai (a hma ti ila a dik zawk mai thei), rilru a kal ding leh ta ngut ngut mai.

Thla chu a chanve chauhin a eng a nih khi, a bula arsi de chiaite khian a mawina an hliah lo. An vai khian an mawi vek zawk.

Thlang lama ui bauh lauh lauh chuan eng emaw hmuh a nei a, kei erawh chuan eng emaw hmuh loh ka nei a ni chek ang, ka ngui nghiai ni. Thiante chu la mu lo ngat se zawng, ka ri bur but ngei ang, mahse, tawnmangah enge an tawn pawh kan hriatpui si lova, tihbuai ngawt a tha si lo.

Piang lo zawk se....tia ka dawn changin 'khang hlimna tam tak kha tu hnen atangin nge ka hmuh chuan ang?' tih chu keimaha zawhna awm a ni si!!!

Nichin lawka Counter Strike Source ka khelh laite kha a la rei loh teh lul nen...a rei ta hle mai.
"Min kalsan tawh suh aw" ka bengah a la ri nawn tluk tluk mai. Nia, kei chuan ka kalsan lovang che.

Happy Birthday ~NEVER ALONE

Ka sana ka en a, zing dar 3 a ni tawh. Mut a har a, ngaihtuahna a kal ding mup mup hle mai. Ka Walkman ka la chhuak a, ka hla duh thin chu ka tiri leh ta a. The Moffats hla, Miss You Like Crazy chuan lung a tileng ngei mai. Fifa World Cup 2010 laia ka hun hmandan ka chhuikir a, zan khat chu he hla hi ka tlaivarpui ngei tih pawh ka la hria. Lung a leng a, kohkir theih an chang tawh si lo.

Mei kan zuk hian

Mei kan zuk hian/Meizial kan zuk hian ..

"Kan taksaah nasa takin hna a thawk a, kan taksa-a timur te tak te te chu lo tilianin, chu chuan phurna nasa tak min pe a. Chakna leh thil tih chakna min lo pe thin ta a ni. Kan thisen chu rawn tilumin a hmaa kan tih chak lem loh te leh kan tih peih loh ngawih ngawih te chu tih chakna min rawn pe ta a. Kan thluak pawh khawihin kan rilrute a lo tichak a, thil hriat zung zungte a lo awlsam tan a. Zirlaite`n an hmang tangkai hle. 

"Kum a lo tamin taksa a lo chak lova, hetih hunah hian meizial zuk hian min pui thei hle. Tar chak lo takin nitin meizial tlawn sawm tal a zuk chuan a taksa-a timur thi mai tur chu a vawng nung a, chu chuan nun a tihsei mai bakah natna dang laka a ven thu mithiam ten an sawi bawk.

Just When I Needed You Most

He link hi click la..password khu i enter dawn nia...
Password: love

Zu in hi sual a ni em?

Zu hi eng nge? Zu kan in hian kan taksa-ah engtin nge a thawh?
Zu chu thlai, thei leh til dang dang atanga siam, ethyl pai tel a ni a. He ethyl hi rawng nei lo, awlsam taka kang mai thei leh mihring nunna atana hlauhawm tak a ni. Zu kan in hian 20% chu kan pumpui-ah a cham bang a, a bak zawng 80% lai mai chuan ka rilphir a thleng thla thin. Kan timur hlawm(tissue)-a Zu a lo luh chiah khan kan taksa leh kan ngaihtuahna a khawihbuai a, zu kan lo rui ta thin a ni. Kan zu inte hi kawng thumin kan paih chhuak a,kan kal(kidney), kan lung leh chuap atangin.


Zu leh Mizoram:
Kan Zoramah hian 'ZU' tihhian hmun a va khuar nasa tak em. Vengthlang hmeithai in atanga kan Pulpit thlengin  hmun a khuar a. Mizoram UT a nih hnu kum 1972 khan Legislative Assembly hmasa chuan Mizoram Excise Act, 1973 siam a ni a. He dan hi Mizoram Excise Rules, 1983 nen kum 1984 October ni 10-ah hman tan a ni. He dan hnuaiah hian Aizawl-ah sorkar remtihnain zu dawr 10 leh Bar 4 a awm a; Lunglei-ah zu dawr 4 leh Aizawl-ah Liqour Wholesaler 2 an awm.