Khawpui Pahnih

Nipui a rawn thaw tan chiah a, chu khawpuia awm tan chuan tan chuan tawrh  a har leh hle tawh a. 'Eng tiang takin nge  a lum ang?' tih chu chhanna chiangsa zawhna, chu khawpuia awmte`n an inzawh fo thin chu a ni. Chu khawpui chu,  nang leh keiin ka ram tia kan sawi theih awmchhun India ram khawpui ber New Delhi chu a ni! Tunah chuan chhuna nuam zawka awm theih nan te, zana tui taka mut theih nan te,electric bill sang tur pawh dawn lovin mahni theih ang tawkin AC leh fan te hmangin kan induat leh tan ta. Thlifim tleh heuh heuh tluk chu a awm thei dawn chuang em ni? AC/fan hnuaia thut ai chuan lui tui luang dai per chhek chhek chu a nuam zawk lovem ni?

Thlifim thaw heuh heuh dawn chak chang apianga dawn theihna, hmun nuam leh danglam bawk si chu he khawpui bul maiah hian a awm a, chu chu Dehradun  a ni. 260km chauh a hla a ni a, rel emaw, thlawh(theih)na emaw, bus emaw, cab..i duh apiang hmangin i thei a, he khawpuiah hi chuan nipui hmachhawn pawh a phurawm zat a sin!

Bus-a kal hi a awlsam em em a, Anand Vihar ISBT atangin eng lai pawha kal hi a awm reng a ni. Bus fare hi ₹260 atanga ₹700 inkar vek a ni a. Chu chuan ISBT Dehradun i thleng thei ang. Amaherawhchu, Dehradun i rawn thlen dawna tlang kar a i rawn tlan chhoh lai chuan kan ram, Mizoram chu i mitthlaah lantir lo hram rawh.  1600km chuanga hlaah i awm si a.





Delhi khawlum tlansana Dehradun kal i nih chuan heng hmunte hi tlawh ngei ang che.

1. Forest Research Institute : Asia rama pakhatna ni mekah hian khawlumin awmzia a nei lo emaw tih mai tur ani. 450 hactare a zau chu thingkungin a khuh chhuak dap a ni ber mai (Mizoram aia nuam ka tihna chhan ber a ni). Mit a hahdam em em a, a boruak han hipa, han feel vang vang chuan engmah hi a ngaihawm loh reng reng. He hmun hi IFS trainingna hmun a ni. (He hmuna ka thalak chu a te hlawm lutuk a, ka rawn share lo mai)

2. Robber`s Cave :  Puk tih ai chuan kawr ruam thuk tak (gorge) a ni mah zawk. Chumi kawr chu zawh chhovin tui dai chho zel ang a, a boruak nuam tak nen chuan Delhi khawlum i ngaihtuah lo reng reng ang tih ka tiam a che. Guchhupani-a aw niin khawpui atanga darkar khat awrh kal a ni. Hmanni khan ka thianpa nau Delhi-a awmte nen kan han kal a.

3. Buddhist Temple :  Dehradun hi Metropolitan City a ni a, hnam hrang hrang kan awm pawlh nuk mai.Tibetan, British, American, Indian leh Nepali te. Tibetan ho hi refugee-a an rawn kal vangin sawrkarin a duat em ema,  an thilsiam leh anmahni sulhnu a tam kher mai. Veng khat veng pum an luah tawp pawh a awm nual mai. An hmun pawimawh lian tak tak zinga a lar ber chu he Buddhist Temple, Delhi atanga  rawn kala Dehradun khaw tawn tirha awm a ni. A hmun a nuam em em a, an enkawl uluk thin tih a hriat hle. Hemi hmuna kan kal hian thlalak phal lohna hmuna ka hmeh ka kawl nual a, helaiah erawh kan rawn dah a rem si lo. A chhung thlalak chu pui tak a ni.










Thlalak thenkhat:

FRI Main Building ESTD@1906

Robber`s cave tlai ni tla tur

Buddhust Temple chhung chu

Khingte khi tlemte kan sawi lan theihte chauh an ni a, Delhi khawlum tlansan chuan Dehradun chu va pan ve teh. I inchhir lovang. Khing bakah khian Musoorie (see below) chu 40km chauha hla a la ni cheu zui...

Kempty Fall16kms away from Musoorie

Delhi khawlum i tuar dawn nge? Duhthlanna chu i ta a ni e ;)