Diesel hmang motor nge tha Petrol hmang motor??

Petrol aia Diesel tlawm vangin Diesel hmang motor i lei mai thin em??  Hei hi uluk takin chhiar la,i ngaihtuah nawn leh dawn nia.

Mi tam takin Diesel engine hmang motor te hi rei tak enkawl tur chuan an tha zawk e an ti a. Hei hi a dik a ni.
Mahse, i car leina senso leh tlan thei tura enkawlna senso  zawng zawng chu "nikhatah engtia hla nge i tlan thin?" tih leh  "engtia rei nge kha motor kha kawl/neih i tum?"  tihah hian a inghat vek a ni.

I duh ni rawh !! (Matric pass hlimte pual)

A hmasa berin mi tam tak lo tan thinna in pass chhuak ta hi ka lawmpui che u a. Amaherawh chu nangni aia pass chhuak hmasa hi an tam tawh lutuk tih hi hre phawt ula ka duh a ni. Distinction-a pass-a Top 10-ah i lang a ni emaw, 3rd -a pass tawng tawng i nih pawhin hei hi chhiar chhuak la ka duh a ni. Tunah khan enge nih i tum le? 

Tunah khan eng ang chiah in nge i hma lam a zir leh i tum le? I tui loh pui i zir chuan nangmahah nunhlimna a thlen ngai dawn lo che tih hi hre rawh. Pass that em vanga Science lak ngawt i tum a nih chuan ngaihtuah that a tul khawp ang le. Chutih rualin Arts lak vanga zirlai awl ta viau lah a ni hek lo.

JF Laldailova Dictionary Download Dan

JF Laldailova Dictionary based hmanga Mizo-English  leh English - Mizo Dictionary, Zolife siam hi i lo download tawh em? Mizo tawng emaw, English emaw in i thumal (word) duhzawng kha i search mai thei a, a awlsam em em a ni. Chumai bakah thumal i la dah belh thei chau asin!!

Chu Dictionary tangkai tak chu tunah hian kan download dawn a ni.

1. A hmasa berah chuan he lai link JF Laldailova Dictionary tih hi click la, chuan a hnuaia entir ang hian Download tih khu i click mai dawn nia.

2. Download i click hnu chuan a piaha thlalak i hmuh ang hi a lo lang ang a, account i neih tawh chuan box buang (brown?) a kualkhungah khian Login tih aiah khian i email address leh password-ah khian i password ziakin i login thei ang. A nih loh chuan box sen lam atang hian account thar i siam thei a, tin, facebook emaw, twitter emaw, google accout hmang pawhin i lut thei bawk .

Advice nge Advise?

Mi tam tak chuan kan hre tawh ang a, amaherawhchu, hriat pawlh a awl em a, lo la hre lo kan awm mial takin kan sawi leh dawn a ni.

 Advice tih hi noun a ni a, a awmzia ber chu miin a thil tih tura tana tha tur tiin kan sawi thei ang a, a awlsam thei ang ber chuan Thurawn tiin kan sawi thei ang.

Advise a nih erawh chuan verb a lo ni leh tawh ang a, chumi a nih chuan thurawn pe emaw thurawn pek (a modification form a zirin a ni thei ang) a lo ni tawh ang.

Heng thumal pahnih Advice leh Advise te hi hman pawlh a dik lo hrim hrim bawk.

Heti ang a hman loh tur:
1. Daily Mirror : I was adviced strictly not to travel in the Tube train after dusk.
2. Fiji Times : Officers from the sexual offence unit and drug unit also gave advise on crime prevention.

Hman dan tur : 
1. BBC News : Officials say the advice has been reviewed and reissued because of increasing violence in the country.
2. Chicago Tribune : I am sure a lot of people who are far removed from the classroom will try to advise Emanuel on improving classrooms.

Eric Clapton`s Tears In Heaven

Harsatna hi pumpelh theih ni ta sela chuan, Eric Clapton-a ngei pawh hian a chu aia thlan chu a nei lo ngei ang.

March 20,1991 zing lam dar 11 a ni a. New York khawpuiah chuan Conor Clapton-a, Eric Clapton-a fapa kum4 mi lek chu a nu Lori Del Santo, Italian lem chanthiam te inah chuan a awm a. Tlai tin mai hian a pa lo haw hmuakin Conor-a chuan kawngka lam chu a pan thin a. Tlai dang ang chu ni se, hemi ni pawh hian lawm takin an inchul leh ngei ang. He tih lai vek hian an ina hna thawk chuan a tukverh darthlalang chu a lo hru fai ve mek bawk a.
Conor-a leh amah awmtu chu an inum kual vel a, tukverh tih fai lai awmnaah chuan tlan lutin tukverh darthlang hru faitu chu a tlan pel thuak a, tukverh tihfai hlim, boruak luh theih nana an hawn, 4ft a zau leh 6 ft a sang ah chuan darthlalang chu a la awm emaw tiin a tlan phei a,  a tlan liam ta a ni. An awmna in hi chhawng 53 emaw chhawng 49 ti a sawi a ni a, a khawi zawk zawk pawh hi nise mi pangngai tan chuan han dampui  chi zia a ni lo!

He  thil a  thlen lai hian  Eric Clapton-a  chu hotel pakhat, he chhiatna thlenna a hla lo takah a awm a. Conor-a nu in Conor-a thih thu a hrilh laite hian a khawvel chu a hrehawm ve ngawt ngei ang. Amah lawm tura  tlan ni a a ngaihruat phei chuan a tan tah loh chutih tur reng a awm lo.

Ka phone chu a lo ri a, Lori (Conor-a nu) a ni a, a aw atang chuan a hlau thawng tih a hriat reng mai, "Conor a thi" tiin a au teng  tung a. Ka thil hriat chuan min kai beina nghal khawp  mai. "A va rapthlaem!! A thi tih chu i chiang chiah maw??" tiin khawvela zawhna mawl ber ka zawt hial a ni. "Tukverh atangin a tla a, hei ka  kiang a hi a awm mek" tiin min chhang a, "Aw le, ka rawn kal nghal ang e" tiin ka dah ta a.

 A fapa thihna chuan Eric Clapton chu a  deng na em em a. Thla kaw (9) chhung meuh a chawlhsan hnu chuan rimawi lama rawn lut lehin, a hma aia nem zawk leh hla awmze nei a rawn hmang tam tan a. Stage a a rawn chuan kai hmasak ber tum chuan  "Tears In Heaven" tih hla, amah leh Will Jennings te phuah chu a rawn chhawp chhuak a, khawvel pumpuiin an hlutsak em em a, a aw nen inhmeh vang leh zai a thiam hrim hrim vang te pawh a ni mahna, kum 1993 ( a hla phuah atanga kum 2na) khan zai mite leh rimawi ngainatu te`na an ngaihsan Grammy Awards chu a dawng hial a, hetah hian Best Pop Vocal Performance (mipa lamah) a dawng a ni.

Would you know my name
If I saw you in heaven?
Would you feel the same
If I saw you in heaven?
I must be strong and carry on
Cause I know I don't belong here in heaven...

Would you hold my hand
If I saw you in heaven?
Would you help me stand
If I saw you in heaven?
Ill find my way through night and day
Cause I know I just can't stay here in heaven...
Time can bring you down, time can bend your knees
Time can break your heart, have you begging please...begging please

Beyond the door there's peace I`m sure
And I know there`ll be no more tears in heaven...

Would you know my name
If I saw you in heaven?
Would you feel the same
If I saw you in heaven?
I must be strong and carry on
Cause I know I don't belong here in heaven...

Eric Clapton-a hian he hla  a phuah dawn hian Jennings-a puihna a va dil a, hetih lai hian chang khat vel chu Eric-a hian a nei tawh a ni awm e. An pahnih tang kawp chuan khawvel-a hla hit berte zing a mi, Tears In Heaven chu an lo phuah chhuak  ta a ni.

Sources: http://www.songfacts.com http://snopes.com

Coz I know, Der`l be NO MORE tears in Heaven

Airline Ranking leh India

Kum 1999 atang khan kum tinin Airline Ranking hi SKYTRAX chuan a siam chhuak thin a. Airline hrang hrang te chu kawng hrang hrang a teh an ni thin. Thlawhna tumhmun vela an awmdan, check-in atanga boarding te, thlawhna fai da leh thutna nawmdan te, ei leh in an pek dan te bakah an crew ( air hostess, cabin crew, pilot, etc ) te fel fai dan atangte a teh a ni ber thin. Heng tehna atanga hian Passenger ten poin an pek san danin Award an hlan thin a ni. Kumin 2012 hian Qatar Airways chuan kum hmasa lama Airway tha ber nihna a hauh tawh chu a la chang zel a. India rama sang ber Indigo Airlines chuan hmasawnin 2011 ranking-ah 64 na niin kumin lamah erawh 55-na a rawn ni pha , Jet Airways chuan dawtin khawvel pumah 58-na a ni bawk. Jet Airways hi 2011 ranking-ah khan 43-na an ni a, tlakchhiat lam an pan a ni ber mai. Hetih lai hian nikum lama 14-na ni pha leh India mipuite pawhina kan lo innghahna ve ber Kingfisher Airlines chu 79-na  a ni pha tawk a. Hei hian India Aviation a tlakchhiatzia a tilang chiang hle.

Airline Ranking 2012-a Top 20 Airline te chu :

2012		2011
1	Qatar Airways	1
2	Asiana Airlines	3
3	Singapore Airlines	2
4	Cathay Pacific Airways	4
5	ANA All Nippon Airways	11
6	Etihad Airways	6
7	Turkish Airlines	9
8	Emirates	10
9	Thai Airways International	5
10	Malaysia Airlines	12
11	Garuda Indonesia	19
12	Virgin Australia	32
13	EVA Air	16
14	Lufthansa	15
15	Qantas Airways	8
16	Korean Air	24
17	Air New Zealand	7
18	Swiss Int'l Air Lines	13
19	Air Canada	21
20	Hainan Airlines                               23

Incheon International Airport

Pilots

He tih lai hian thlawhna chuan man tlawm lamah Indigo Airlines chuan 10-na a hauh pha ve a, a lawmawm hle. AirAsia chuan an titlawm thei ber thung.

Cabin (Qatar Airways)

Airport tha ber-ah Incheon International Airport, Seoul  chu thlan a ni a. Delhi International Airport (IGI) pawh Most Improved Airport-a thlan a ni bawk.




Bonus Pics  :

Qatar Airways Airhostess

jetblue (Turkish Airliner ) cabin interior

Turkish-Airlines-CIP-Lounge

Etihad Airways

Parts of an Aircraft

Thlawhtheihna kan tih mai hi a lianin an sang thei em em a...Thlawhna sang sang tak tak phei chu asanna lai ber - a mei ding (rudder) ah hian in chhawng 6 a sang tluk zeta sangte pawh a ni thei. Tun tumah hian thlawhtheihna bung hrang hrang a tlang lawnin kan sawi thuak thuak dawn a ni.

1. Fuselage : Hei hi thlawhna taksa kan tih mai hi a ni a. Hetah hian thlawhna part dang zawng zawngte chu an in nghat vek a. Engine leh Passenger te bakah thlawhna thla (wing) innghahna ber a ni. Cockpit-a kan thut a, kan vei lam zawng hi Port an ti a, kan ding lam zawng hi Starboard an ti thung.

aerofoil

2.Wings :  Hei hi thawhtheihna sir tawn tawna awm hi a ni a. Thlawhna a thlawh theih nana tangkai ber kan ti thei hial ang.  A lema kan hmuh ang hi thlawhtheihna thla awmdan a ni a. A hmawr ve ve hi ring ngil taka kan zawm chuan chu chu Chord line an ti. Chord line chung lampang hi a kual thui zawk ang a. Chu chuan thlawhna thla rawn nek boruak zinga a chung lama kal chu a tawp thleng turin hun a duh rei tir ang a. Mahse, boruak tehi anmahni leh an mahni an innek sawn/darh theih loh avangin Chord line thleng tur chuan chak taka a kal a ngai ta a. Chu chuan a hnuai lam aia velocity sanga neih tir a. Velocity a san chuan Pressure a lo hnia m a, chung lam pressure tlem zawk chu hnuai lam pressure tam zawkina a nek chuan thlawhna chu a lo kang ta thin a ni. Thlawhna thla hian bung hran hran a nei leh a, chung zingah chuan Aileron, Tab leh chord te a ni .

3. Elevator leh Rudder:  Chu tia thlawhna a lo thlawh kan chuan boruaka leng vel  mai mai tura kang a ni lo tih kan hre vek a. Tum ram neia kang a ni tih pawh kan hria. Chumi a tum ram thleng tur chuan heng thil pahnihte hi an tangkai em em a.  Elevator hian thlawhna chuan a thlawh san leh hniam lam a control a, tin, Rudder hian sir zawnga a chet dan (yawing movement ) a control thung. A chang chuan heng thil pahnihte hi a hranpa a awm lovin an vuah kawp mai thin a. Chung chu Ruddervator an ti thin. Heng a mei lam bawr zawng zawng hi Empennage an ti bawk.


NOTE : THLAWHNA THLAWH DAN VEL KHI A MATHEMATICAL FORMULA VEL NEN KA DAH LO MAI A, MIN LO HRETHIAM DAWN NIA.:)

SBI Mobile Banking

Mi tam tak chuan kan hre tawh ang a, a hmang mekte pawh kan awm ngei ang. Kum 2 vel kal ta atang khan ka hmang ve chhin a,  a hman tlakin a awlsam em em a ni. Inchhung lum atangin Mobile Topup leh Bill hrang hrang a pek theih a. Hemi hmang tur chuan SBI Bank Account leh SBI ATM Card bakah Mobile phone, GPRS leh Java support i neih a tawk!!

A tih dan:

1. Computer/ Laptop atangin http://mobile.prepaidsbi.com/sbidownloader/populate.action-ah hian kal la...a piaha thlalak ami ang hian i mamawh dana i thlak hnuah Download to PC tih kha i click dawn nia. Mobile atanga Download i duh chuan a sir ding lamah khan i mobile number dahna tur a awm ang a, chumi hnuaiah chuan code ( phone number dahna tur leh code submit-na tur inkara awm kha i submit ang a.I phone-a link an lo thawn atang chuan i download tawh mai dawn a nia. ( emaw http://mobile.prepaidsbi.com/ ah hian i download dawn nia)

2. Tunah chuan Applicattion chu kan lo nei ta a. Tih leh tur chu MBSREG tih hi 567676 a i thawn ang a. User Id leh password an rawn thawn ang che. Chumi hmang chuan i application-ah khan i lut ang a, i password chu i thlak nghal dawn nia. (Vawi thum aia tam i tih dik loh chuan application a in reser thei ). Tunah chuan Phone atanga tih ngai zawng chu kan zo ta.

3.  SBI ATM hnai berah kal la, i card i swipe hnuah SERVICES tih i thlan hnuah MOBILE REGISTRATION tih kha thlang leh rawh le. I phone number (A hmaa phone i hman tawh kha) dah leh la, i confirm dawn ang a. Mobile Registration Succesful-0 tih i hmu ang a. Tunah chuan engkim i ti zo tawh a. I duhdan angin i hmang thei tawh e.

Ka hman tangkaina tlangpui te: 
1. Zirlai ka nih avangin hlawh ka la nei lova, ka chhungte`n pawisa min rawn thawn em tih chu ka phone atangin ka en mai thin.
2. Zanlai ah, rikrum thil-ah ka phone chu ka top-up reng thei a, ka thiante phone pawh ka la tihsak thei cheu.
3. Account to Account money transfer pawh a awlsam khawp mai.

Hre rawh :
A tih step 3 thleng i zawh hnu-a, i SBI Mobile Freedom application-a i luh hnuah Channel kha SMS atanga GPRS a thlak a fu phian. Hemi thlak tur chuan Settings→ Channel →GPRS

Hackers an hrang..I FB account humhim rawh

Tunlai chu Facebook Account hack sawi a tam hle mai. A mak thei ngei mai, a hacker-te lah chu  mizo an ni tih an hriat reng mai si a. Hman deuh khan ka thiante Account an hack chu kan la let leh hram a. Account 7 vel lai chu ka lak letsak thei a, theih loh pawh ka nei nual mai. I account an hack-sak loh nan che hengte hi tih tum teh.

1. Add request i dawn reng rengin tunge an nih i hriatchian loh chu Accept lo la, mi i hriat chian loh Add hek suk. Nula/tlangval chhe lo deuh emaw i tih kha in kawmthlangpa/nu a lo ni reng thei.
2. I email address kha nangmah chauh hmuh theih turin set ang che.
         Profile → Info → Edit Information → Contact Information → Only Me
      Profile → About  → Contact Information → Only Me (Timeline hmangte tan)
3. I Facebook Password kha tlak reng thin ang che. Kar 2 dana thlak hi a fuh viau.
4. Email atanga Check thin i nih chuan i mail dawn zawng zawng kha ring suh ang che.
5. Thil nazawng Like pawp pawp suh. Ent : Thlalak source chiang lo te, chat-a link an rawn dah te.
6. I Application hman tawh loh emaw, i Game khelh tawh ngai loh chu Remove an oermission kha Revoke zel ang che.
7. Secure Browsing (https) hi hmang ngei ang che. 
 Account Settings → Security Settings → Edit 
 Check Box kha i Check hnuah i Save dawn nia.
Bialnu/bialpate password hrilh hi Hack titamtu a ni bawk.

I Account him leh him loh chu i kutah a awm ta e. 

2011 chhunga Password him lo zual te

Nasa taka an zirchian hnuah password lar(?) e\leh him lo nia an hriatte an tarlang a..i password a awm ve em han en teh le..

• 1. password
• 2. 123456
• 3.12345678
• 4. qwerty
• 5. abc123
• 6. monkey
• 7. 1234567
• 8. letmein
• 9. trustno1
• 10. dragon
• 11. baseball
• 12. 111111
• 13. iloveyou
• 14. master
• 15. sunshine
• 16. ashley
• 17. bailey
• 18. passw0rd
• 19. shadow
• 20. 123123
• 21. 654321
• 22. superman
• 23. qazwsx
• 24. michael
• 25. football

Source : Mashable

Delhi-a Exam tura kal : Examlehlova chu

Delhi zin Report
"A nu, John-a te pawhi an lawm tho va, lawm ve ang u"
"Mapui, John-a nu leh pate chu an hausa alawm, bakah pawl sawnna pawh a la ni lova, pawl sawnna a nih hunah kan lawm dawn nia"
Lunghnur tak chunga kan lawm ruk thinzia kha aw!!!

Mahse thil hi duh ang hian a kal thei vek si lo a nih hi..
Kan College-ah PIC (Admit Card) la turin vawi tam tak ka kal a - mahse ka exam leh lo
Zan rei leh rei lo pawh sawi lovin ka theih ang tawkin ka inzir ve a - mahse ka exam leh lo
Chhungte hnenah Delhi-a Exam tura kal nan sum thahnem tak ka dil a- mahse ka exam leh lo
Zan khawvawt hnuaiah Bus-in Delhi ka pan vang vang a - mahse ka exam leh lo
Zing hma tawka thoin UPSC Examination Hall ka pan a - mahse ka exam leh lo

Nia, exam tura kal ka nih avangin thiante fin nghal tawp chuan buaina(?)  a chhuak thei ang tih ka hlauhthawn avangin Mizoram House ka pan a, Security chu a lo tha ve phian a (hun danga Mizoram House ang lo takin), pawn atangin duh duh hunah a luh mai mai theih loh. Check In ka duh avangin Duty mutna ka pan a, Dorm-a han chho phawta a tuk lama ti mai tura min ti chu  mak ak ti lo!! CHANGE a la awm lo tih ka hre tlat.
Kan luh chuan JNU-a an Junior Researcher, Mizo tlangval ngat hian lehkhabu a lo la chhiar a, midang zawng chu an mu tawh. Sawi duhzawng a lo inang a ni ang. Quantanisation of Space Time te, String Theory, Dark Energy leh Dark Matter, Dark Flow tih vel hlir a sawi atang chuan a tui hmel khawp  mai. PUC (Pachhunga)-a a thawh laia Office vela Pathian thu leh politics an sawi mak a tih kha chu ka la hre reng. Big Bang Theory lo dik famkim lohzia a sawi leh kan Universe pumpuia 5% chian he theory-ah hian an ngaihtuah a tih chu awi a har ka ti. Mahse a Subject chan a ni a, a sawi dik turah kan ngai ngawt a. F1 car hnuaia Diffuser atana thing an hmang a tih kha chu ka awi chiah lo nangin awi lo angin ka lang duh chuang lo. An hmang tak tak pawh a ni thei a.

F1 an en chanchin hi sawi nuam a ti khawp mai. Mizo Footballer pahnih Mapuia leh Jerry-a te nen an enho a ni awm e. Grandstand-a an luh theih chhan chu Ticket in pass chhawn awlsamna lai ber a nih vang a ni awm e. Footballer Vs Police a sawite chu sawichhawn leh pawh a nuam lo, haw tawk an lo awm leh takin.

Tuna ka thilzir hi ka 2nd Choice a ni ve khanglang a, ka tui em em lo tih chu ka nu leh pate pawhin an hria. Mahse, keimah hian bansan ka duh loh avangin ka ti la ti ve zel zawk a ni. A subject ka sawipui lai chuan ka rilru a let em em a, mahse, ka rilru tawngtaina nen 'Pathianin hei aia tha ka tan a duang a ni ang' ka ti thei hram hram a. Chumi beisei chung chuan zan ka mu a, zing hma taka thovin UPSC ka pan a, ka hma deuh avang chuan mi an tlem chu rinhlelhna awm reng ka hre lo. Thingpuite ka in hnu chuan vai palian pui mai, a hmel en mai a The Great Khali ni awm tak hi a lo kal a. Kei lah ka smart si a, ani kah Jeans leh T-shirt mai a ni si. Mi hausa fa ka ni a, ani hi ka bodyguard tihte chu ka suangtuah nauh nauh va. Ka exam tur mi zawh chuan kan lo inang a, exam center an sawn a tih chuan min barakhaih hle mai. Kan college atangin information engmah ka hmu lova, engmah ka thianten min hrilh hek lo. Ka phone ka keng lova, PCO hman tur lah a awm hek lo. Ka tana tha ber chu chupa chu zui nia ka hriat avangin ka zui ta a. UPSC chhunga Post Office-ah chuanphine hman a dil a, a pa a va bia a, a thianpa number a dil leh hnu chuan kan exam center chu Mt.Abu International School, West Rohini-ah a ni. Hla tak a ni hla tak. A hmaa lo awm kan zawh vel a, Safdarjung-ah va kal rawh u an tih kha lo zawm ngat ila chuan kei ngei pawh ka thinrim hial thei ang. Minute 30 vel Auto Rickshaw kan chan hnuah Patel Chowk Metro Station kan pan a, Rajiv Chowk (?)-ah tul miah lovin kan chhuk a, Kashmere Gate atangin Red Line kan man a, Station tawp ber West Rohini atang chuan Auto kan la a, kan center kan va thlen chuan 45mins. velin kan tlai tawh a. theih tawpa kan beih hnu pawha an phal tak si lovah chuan beidawng tak chung chuan ka haw leh ta a.

Pathianin kan tana tha turin engkim a ruat thin tih hi chu pawm a har thin a ni e.

Zu in hi sual a ni em?

Zu hi eng nge? Zu kan in hian kan taksa-ah engtin nge a thawh?
Zu chu thlai, thei leh til dang dang atanga siam, ethyl pai tel a ni a. He ethyl hi rawng nei lo, awlsam taka kang mai thei leh mihring nunna atana hlauhawm tak a ni. Zu kan in hian 20% chu kan pumpui-ah a cham bang a, a bak zawng 80% lai mai chuan ka rilphir a thleng thla thin. Kan timur hlawm(tissue)-a Zu a lo luh chiah khan kan taksa leh kan ngaihtuahna a khawihbuai a, zu kan lo rui ta thin a ni. Kan zu inte hi kawng thumin kan paih chhuak a,kan kal(kidney), kan lung leh chuap atangin.


Zu leh Mizoram:
Kan Zoramah hian 'ZU' tihhian hmun a va khuar nasa tak em. Vengthlang hmeithai in atanga kan Pulpit thlengin  hmun a khuar a. Mizoram UT a nih hnu kum 1972 khan Legislative Assembly hmasa chuan Mizoram Excise Act, 1973 siam a ni a. He dan hi Mizoram Excise Rules, 1983 nen kum 1984 October ni 10-ah hman tan a ni. He dan hnuaiah hian Aizawl-ah sorkar remtihnain zu dawr 10 leh Bar 4 a awm a; Lunglei-ah zu dawr 4 leh Aizawl-ah Liqour Wholesaler 2 an awm.

Masturbation hi ringtute tan sual a ni!!

He thil hi mi ringtu tam takte inhnialna leh kan buaipui a ni reng thin a, a la ni reng dawn a nih hi.
Kan Bible-in chiang takin min hrilh loh avangin inhnial tak tak a awm reng a, amaherawhchu hriatthiamna ril zawk nena Pathian thu kan thlir chuan sual a nih thu kan sawi thei ang.

Mi thenkhat chuan, "Kan tisa chakna chu midang laka kan hrikthlak loh a, keimahni-a kan tlingtlak mai hian a sual em ni?" tiin an sawi thin bawk a, mahse kan Lalpa Isua khan, kan tan a tuar a, Kraws lerah kan sualte tlan nan a thi a. Chung a tuarna avangte chuan kan taksa nawmna chauh chu kan zawng tur bik dawn em ni?

Zohnahthlak hi tute nge?

Mizo kan tih hian mi tam tak chuan 'Mizorama cheng, Duhlian tawng (Mizorama kan hman tualleng ber) hmangte hi an ni e,' an ti ngei ang.  

"Mizo chu Chin-Kuki peng atanga hnam peng khat, Mizoram leh a chhehvel Manipur, Tripura, Assam bakah Myanmar leh Bangladesh-a awmhmun khuar ta te an ni" tiin  Mizo Story-ah kan hmu a. Mizo tih chuan Kuki, Hmar, Paihte, Lai (Pawih), Ralte leh Mara (Lakhers) (3) etc.te a huam vek tih kan hmu bawk 'Mizo chu Mizo tawng hmang ngei an ni' tiin wikipedia-ah kan hmu bawk.

Veikhawr

UPDATED

          Mizo tawng thumal zinga inhnialna chawk chhuak ve fo thin chu Veikhawr tih hi a ni awm e. Mi thenkhatin khawr chu zei lo leh ni deuh huih, lek/he deuh tlat a ni an ti a, amaherawhchu mi tam zawk pawm dan leh an tan chhan, mizo tawng a thumal pakhat a nih avanga a nih ang anga kan pawm mai tur a nih avangin keipawhin ka pawm mai a ni. Mahni vei lam hmang thiamte hi Veikhawr kan ti thin.

He thuziaktu ngei pawh hi hun rei tak chhung chu veikhawr lo ni ve thin a ni a, amaherawhchu thil inthlak danglam vel avangin tunah chuan dingkhawr a lo ni ve ta. Ka pate unau mipa zawng hi veikhawr vek an ni a, kan unauah pawh veikhawr an awm nual mai.
          Veikhawr han tih hian mi thenkhat chu an nuih a han za ringawt a, nuih mai chu an nih lohzia i han thlir dawn teh ang. An tan hian khawvel chuan ni bik International Left-Handers Day chu 13 August-a hman thin turin a lo siam daih tawh asin. Ram ropui tak leh khawvelin a che vel a thlir reng America ram hruaitu lu ber (President) ni tawh zawng zawng zing a mi pariat (8) ngawt chu veikhawr kan tih hi an ni asin.

5ive Types of Love

            Hmangaihna hi eng nge? Chhang thei kan awm chuan kan chhan dan chu keimahni ngei pawhin a kan awih loh leh turte a nih ka ring. Hetiang khawp a thil ropui Hmangaihna hi enge a nih i lo en dawn teh ang. Eng nge hriat a har rual rual hian kan mifingte chuan chi hrang hrang pangaah an lo then a. A mal te tein i lo thlir teh ang.

           1. Agape (ἀγάπη agápē): Hei hi Pathian leh mihring inkara hmangaihna sawi nana hman thin a ni.
Chanchintha Johana ziak, bung 3 chang 16-ah chuan heti hian kan hmu a. "Pathianin khawvel a hmangaih em em a, chuti chuan a fapa mal neihchhun a pe a, Amah chu, tupawh a ring apiang an boral loh a, chatuana nunna an neih zawk nan. {For God so loved the world that he gave his one and only Son, that whoever believes in him shall not perish but have eternal life}". tiin.Hei hi hmangaihna a ni. Chatuan a hremna kan tawrh chu phal lo vin a fapa mal neih chhun chu min pe a. Chu chu hmangaihna a ni.

            2. Eros (ἔρως érōs): Hei hi Romantic Love an ti thin a, nula leh tlangval inkara hmangaihna a ni.

MIZO A,AW,B KAN NEIH DAN

2010-08-15 16:28

Lalhruaitluanga Ralte

.Kan a aw b hi Pu Buanga leh Sap-upa te min duan chhuahsak a ni a, chumi atana an hman hawrawp mal leh inkawp chi hrang hrang Sap leh Vai mi thiamin an lo ziak te kan chhui dâwn a ni.
.
Kan a aw b neih dan leh Pu Buangate thiandunin Mizo tawng an lo zir chhoh dan hi theihpatawpin ka chhui ve a, kum 4 emaw lai ka chhui hnua ka hmuh chhuah ang ang ka han ziak a ni. 

 .

1.Mizovin thuziak kan lo nei tawh thin
Mizo lehkha zawng savun a ni a, hman laiin uiin min lo ei sak zo ta a ni e, tih a ni thin a. Thawnthu sawi dan dangah chuan Mizoten thuziak an lo nei tawh a, savuna zial a ni a, hunrei tak an vahvaihnaah an hloh ta a ni, tih a ni bawk a. Savuna ziak chu sum khuh nan an hmang a, uiin a lo ei ta a ni, an ti bawk. Hetiang thawnthu hi Mizo chauh ni lo, sakhaw hrang hrang vuantute hian kan lo nei hlawm a. Mihringte chunga leng pathiante leh an thuihruaiten min rawn tlawhpawh lai thawnthute hi an lo sawi th$n a. Chung hun lai thawnthu tam tak z$ngah thuziak tihbo thu, hnam hrang hrangin kan lo nei hi a mak hle a ni. 

. 

2. Thuziak tih bo thu
Hetiang thawnthu hi Khasi-ho chuan chi hnih an nei a. Pathianin thuziak a pek chu an lo dah f$mkhur loh avânga meia kâng ral nia sawi a ni a. Thawnthu dangah chuan pathianin Bengali leh Khasi hi lehkhabu a pe ve ve a. An haw kawngah tui a lo lian ta pung mai a, Bengali pa chuan a lu chungah lehkhabu chu dahin a hleuh kaipui ta a. Khasi pa erawh chuan a sehkawh a, li lai a thlenin a chau ta a, lehkhabu chu a dawlh ta a ni. Naga rama Rengma-ho thawnthuah chuan Pathianin savun phekah thuziak a pe a, chu savun chu an zial a. A kawltu f$mkhur loh avângin savun zial chu uiin a lo ei a, a boral ta a ni. 

CYBER CRIME LEH MIZO SOCIETY

                        A hmasain Cyber tih tawngkam hi Cybernetics tih atanga lakchhuah a ni a,
Information & Communication Technologies (ICT) thil tihtheihna khawvel sawina a ni.
ICT hian a huam zau hle a, electronics media zawng zawng entirnan Radio, Television,
Audio/Video Cassettes, Internet leh Mobile Phone bakah Computer, Software, electronics
leh telecommunication hmanrua hrang hrang a huam tel vek a ni. ICT hman khawlohna
avanga dan bawhchhiatna sual reng reng hi “Cyber Crime” an tih chu a ni a, he sualna hi
khawvel ram hrang hrangin a buaipui meka, Mizoram chhungah pawh he sualna hi kan
buaipui mek a ni. Khawvel a changkan poh leh sualna pawh a changkang ve zel a, tun
hma a misualten silai nen a bank an rawk thin kha tunah chuan computer hmanga bank
rawk a lo ni ta a, lehkha thawn hmanga invauna (extortion) leh mi hruaibo (kidnapping)
te pawh E-Mail leh Mobile Phone hmanga tih a lo ni ta zawk a, nawhchizawrhna leh call
girls te pawh Internet leh Mobile phone kaltlanga tih a lo ni leh ta zel a, terrorist-te tan
sual rawngbawlna hmanrua pawimawh leh tha tak anih bakah khawvel ram hrang hranga
terrorist-te inzawmkhawmna hmanrua pawimawh tak a lo ni ta. A bik takin Internet hian
ramri kham chin a neih loh avangin thilsual titu te man chhuah an harin sual
rawngbawlna hmanraw tha tak a ni. Mizoram chhungah ngei pawh hian sual
rawngbawlnan a hmang an awm mek a, chung zingah chuan dan bawhchhia an ni tih
inhrereng chunga tilui an awmlaiin thenkhat chuan dan an bawhchhia ani tih pawh inhre
lova ti mek an awm bawk. Cyber crime avang hian kan society-ah harsatna kan tawk mek
a, mimal leh chhungkaw nun a khawih a, khawtlang leh kohhran hruaitute mang a ti ang
tawh tak zet a ni. Khawtlang nun leh mimal nun siam tha tur hian thu tha inhrilh ringawt
a tawk lova, dan kan neih that leh kan hman that chauhin kan khawtlang nun hi siam that
theih a ni. A hranpa-in kan ramah dan siam a ngai lova a awmsa Indian Penal Code
(IPC), 1860, IT Act., 2000 leh Copyright Act, 1957 te hi a tha tawk em em a ni. Heng dan
hmang hian cyber crime titute hi na taka hrem theih an ni a, thenkhatah chuan pawisa Rs.
Nuai hnih (2 lacs) chawi theih a nih bakah lungin kum 2 lai tan theihna te a ni.
Mizoramah hian thil tisualte hi kan ngaidam leh mai thin a, hei hian sual a ti ngampa a,
chumi avang tak chuan tunah hian kan society in harsatna kan tawh phah mek niin a lang
a ni. Kan kristianna atangin kan ngaidam thei tehmeuh mai, amaherawhchu dan pawhin a
tih tur a ti ve tur a ni, dan hian mirethei leh hausa leh thiltithei a thliar hrang ve ngai lova,
keimahni dan hmangtute zawk hian mihringah kan thliar hranga, dik takin ro min reltir
thei lova, chu chu kan society-in a tuar mek a ni tih hi kan pawm ngam a ngai a ni.
                       Cyber crime thlen chhan tam ber hi phuba laknan emaw, hlimhlawp nan
emaw, sum leh pai hlawhchhuah nan emaw an ti thin. Mizoram-ah erawh chuan
hlimhlawp nan leh kan mi huat zawngte tih mualpho nan cyber crime hi kan ti deuh ber.
Kan buaipui ber erawh chu pornography (Saruak thlalak) leh copyright chungchang hi a
ni. Kan hnam la naupan vang nge, thil chinchang kan hriat loh vang zawk, cyber crime te
hi eng vakah mah kan ngai lova, dan te hi kan palzut mai mai a, kohhran leh khawtlangah
pawh kan pawm zam lutuka, hei vang hian kan ram leh hnam hi la mualpho mai thei dinhmunah a ding mek a ni. Cyber crime chi hrang hrang tam tak a awm a, chung zinga
mizoten kan hmachhawn mekte chu:

1. PORNOGRAPHY (SARUAK THLALAK)
                    Mizoten ICT kan hman khawlohna langsar deuh mai chu computer leh mobile
phone hmanga mizo nula/tlangval sex video leh saruak thlalak thehdarh hi a ni.
Nula/tlangval te khan pindan chhungah, tuma hmuh lovin, saruakin thla la dun ta sela,
chu an thlalak avang chuan dan an bawhchhia tihna a ni lo. Mipui hmuh theiha an pho
chhuah chauhvin dan an bawhchhia tihna a ni. A chhan chu saruak thlalak hian mipui
rilru a chhe lamah a hruai kawi theih avang leh midangte nunphung a tihbuai theih
avangin, dan atang chuan sual a ni. Anmahni duhthuin Internet/Mobile/Computer/Print
Media-ah emaw an pho chhuak anih pawhin an chungah hremna lek kawh theih a ni a,
chubakah, midangin an thlalak kha ruk sakin lo phochhuah sak sela, a pho chhuaktu zawk
kha hrem tur a chu a ni.