Beiseina

(HE ARTICLE HI KA GOOGLE DRIVE-AH A LO AWM A, GOOGLE-A KA ZAWN HREP HNUAH TUMA BLOG-A KA HMUH LOH  AVANGIN KA RAWN POST A NI E) Mihring ni tur a kan lo pianchhuah hian in khawvel ah tihtur engemaw tak kan nei ṭhin a, kan nihphung leh nundan zir in thiam bik te kan lo nei thin mai a lo ni. Chung ti tur a kan nun khalh thei tur chuan thil pakhat kan kawl tha khiau mai hi a lo ni a, chu chuan kan khawsakna zawng zawngah min thunun thin a, a tel lo chuan engmah hi nuam tak a awm thin lo a ni. A hnuia ah chuan milian leh mite kan kun za a amaherawh chu chu min kaihruaitu chuan min khalh kal dan a dang em em thung si a ni. Mihring fa lo piang tawh chuan he thil hi neih vek a ngai a hemi nei lote chu mi vanduai berte zing a mi an ni. He hringnun chhungmu kan sawi tur hi BEISEINA hi a ni e.
Beiseina chu eng nge le? Beiseina chu mihringfa tungchho tawhphawt te min khalh kal tur a Pathian duan sa a ni a. Harsatna kan tawhlai pawh in thil lothleng tur hun duhawm zawk thlirna min petu hi a ni. Thihna hlimkawr zawh mektute hnena thlamuanna petu pawh he beiseina tho hi a ni. A tawi zawngin beiseina chu thil lothleng tur hunthar tha zawk kan thlir na hi a ni tri ila a dik awm. Kan nitin nun ah hian harsatna te kan tawk thin a, chu harsatna chu kan paltlang harsat chang a awm thin a ni. Kan nun ah ngui hun deuh alo thlen chang in depression kan lo nei ta thin a, hetiang a kana wm chang hian beiseina( hope ) hi a bo vek mai a ni. Kan harsatna erawh chu a inchen vek lo ang tih a chiang a, naupang, puitling, nula,tlangval ah a dang thei vekin a rinawm a ni. Hetiang a beiseina pawh awm theilo khawp hial a kan rilru alo hnual hunah hian hetih hun ah tak hian alawm tanpuitu thiantha te kan mamawh hun chu. School naupang chuan result avang te leh assignment avangte in an rilru a hah hma thei hle , tleirawlte chuan inngaihzawn thil ah buaina an ngah thei hle bawk a ni. Puitlingte tak hian nia ngah thei chu sum zawnna kaawngah beidawn rum rumna alo thleng thin. Kan chung a alo thlen lai hian engthil pawh hi puitu dang awmlo ni hial a inngaihna te a lo awm hial thin a ni. He tiang a harsatna neite hi chu tawngtai pui ngawt lo deuhin samri mitha ang a, an thian kawmngeih te leh an chhungte beiseina thar neih tir tur a tanlak hunlai tak a ni thei a ni.

Kan rilru ah hian thil thlirna chi hnih a awm thei a chungte chu a eng zawng thlirna (optimist view)leh a thim zawng a thlirna (pessimist view) te hian kan then thei ang. Heng hi mithenkhat ah chuan a khawi emaw zawk zawk hi kan nei sang in kan nei tlem mai chauh a ni. Hetah hian kan inenkawl dan leh thiltawn a zir te tum reng vang te in thil engzaawng a thlirna hi alo sang thei a ni. Chutiang bawk in a pakhat zawk pawh hi a ni tho mai. Thilharsatna kan tawhlai hian beidawnna alo lang vat mai thin a,chungte chuan min tibuai thei em em a ni, thlirna eng hmang hi chuan kanchung a thil lo thleng te pawh a hmachhawn dank an thiam mai thin a ni. Mihring kan nih chhung hi chuan in hunkhirh bik alo thleng fo thin a, chung chu kiansan theih pawh a ni thin lo a ni. Ruah a sur buan buan a, ni a lo lang tawh dawn lo emaw tih tur khawp hial te in a sur thin a ni. Nikhat chhung ruah a sur hnu in ni alo lang leh thin a ni. Ruah a sur lai khan ni lo la lang ngei tur in kan beisei thin a ni, chu chuan min tiphur in nghakhlel takin kan thlir thin a nih hi. Khami hunlai khan ni lo lang tur kha beisei ngaihna hrelovin a sur reng dawn emaw te tit a ila kan rilru a hrehawm ngawt ang. Khatiang tak a kan chung a thil lothleng thin mahse a hnulam tur kan beisei ngam loh avang a thilpawi tak thleng tamtak a awm thin a nih hi. Hlaphuahthiam Lalruali pawh kha a rilru a buai map map hle a ni ang chu, a chung a buaina chum lo zing chu tawrh harsa a tie m em a. Mahse a thinlung chu ni eng mawi tak in a rawn chhun eng ta a nih kha.

Buaina chhum kara ni engmawi tak chuan
Ka thinlung thim chu a rawn en…….

Tiin hla mawi taka lo phuah chhuak ta a nih kha. Tuarlaiin hrehawm mahse tuartu te tuarchhuah hnua an chan hi a van ropui thin tehlul em, chutiang bawk in tuar chhuah theih loh avang a beidawng te hi an khawngaihthlak khawp mai. Zawhte pawh in ngiau hun a nei a, zangkhua pawhin bungbut hun a nei, an tih ang in kan tun hun hi a liam thuai dawn a hun thar hma thlir tha zawk alo la her chhuak leh thin a ni Ringtute kan nihlawhna em em chu beiseina zawng zawng bo hnu pawh in Lal Isua kan nei hi a ni. AIDS veite tan chuan khawvelah beisei tur a tam lo hem em laiin Lal Isua nei chunga vei te erawh chuan beisei an la nei fan mai thin a ni. Cancer vei chungchangah pawh hian, mi tamtak chu vei an nih inhriat hnuin an beidawng mai thin a, an hriselna nghawng phah hialin ringtu tha tak tak te an lo chau mai thin a ni.Heng ho hi an va khawngaihthlak tehlul em nun a Krista neitute erawh chu tam kumah pawh an puar thin a nih kha. Lal Isua khan mal in ka kalsan tawp loving che u a tih kha, a chung a kan sawi thlirna engpawhkhi lo nit a se Lal Isuan min kalsan dawn loh thu a sawi hian kan inhnem a ngai thin a ni. Chhungte,thiante, hmangaihte hnen atang rilru natna thil alo thleng a ni thei e. Chungah chuan dam chakna reng nei lo pawhin kan lo awm thin mai thei, mahse malin ka awmtir loving che u tit u kha ala pangai reng a ni. Kan beisei ah chuan a dik zawng ni a kan rin ngei kan beisei tur a ni ang. Beiseina dikloh avang a rinna dik tawklo chhuak te pawh awm thei a nia. Kan thil beisei ah chuan kan nghak fan fan tur a ni ang, chu beiseina chuan min ti thanglian anga hma kan sawn phah ngei bawk a rinawm a ni. Lal Isua ah beiseina

nung I nei thar theuh ang u, a ni chuan kan harsatna ah pawh lo tuar tawh a nih avang in min chhawk dan a thiam em ang. Kan thianpa chu a bialnu nen an inthen avangin a rilru a na khawp a, thiante nihna zarah ka hnem ve bawk a. Min chhanna erawh chu hmeichhia hi tamtak an awm a , mahse amahchauh ka duh a ni, tia min chhan hnu chuan a bang bo thlak duh angreng khawp mai. A nun ah khan beiseina lam thil a lang tlatlo a ni, khatiang rilru pu tamtak kha intihlum an tam khawp mai.

Beiseina nung nei tur in tan ila sauh sauh ang u. Ka lawm e.