Nghilhni awm lo tur nunhluite - I : The Kneeling Band

Zirtawpni chawhnu a ni a, a hming mai pawh hi kan tan chuan lawmna chu a tling si. Kan thianho chu kan thutna ngaiah chuan nui dar dar chungin kan ti ti a, dar lo ri chuan Class room lamah min pawt lut a. Rei pawh kan thut hma chuan RLC chu a rawn lut ta chhet chhet mai le. Roll Call vel kan zawh chuan a ding ngawi ran mai a. chutah le, Nambar a sawi ta fak fak mai. a sawi dan lah chu a karthlak a ni lehnghal a, 23, 27, 30, 32, 22,36, 38..
Ka tel ve chiang kher mai. Chutah  muang ban chat hian " Go...Infront of Office....Kneel Down" a ti ta chhek mai le. A nihna takah chuan vawiin ang chu inhremna hun lo lutuk a ni a, Prayer Cell thilah PUC leh MICE atanga naupang rawn kal tur an awm si. A ruka min lo Star tu te kha rawn kal se...a ngaihtuah loh a tha. Ngaihdam dilin awmzia a nei si lo. Hreh tak chuan kan han thingthi ve ta a. Amak khawp mai heti angah hia n kan thianpa pakhat chu a vannei leh lel thin. A nihna takah chuan kan thingthit chhan chu a hma ni a Practical kan tlanbo vang niin a sawi a. Tlanbo theuh kan nih chuan hremna pakhat dawng vek awm tak hi a ni a le.
A hmani kan Practical nei tur chu kan peih loh tlan em avang leh kan zirtirtu, amah RLC chu a rawn tlai avangin haw vek ang u kan ti a, heti ang hunah hia  a phakar pawl an awm ziah. Kan haw vek emaw kan tih lai chuan haw ve lo an lo awm a, chungho vang chuan hremna kan tawk ta a ni.
Khupna thuma kan thingthit pawh chuan kan insawi lungawi thei chuang lo. Nakin deuhah chuan kan thianpa chu nui sung hian a lo chho ve ta. Nia, misual vanneihna chuan tawp chin a nei reng a ni. Assignment tih loh vanga min rawn zawm a ni. Tunah chuan kan Junior a ni ta. Mahse Miss Tetei Scooty a hruk hliau hliau chhan kha chu a Junior bik vang a ni kher lo. Ka tan ve tlat!!A hlimawm ve khawp mai. Zotlang lam kan thianpa pawh kha, an veng mi Dindini ( a hnua ka hriat leh danin) khan a lo biru chung chung kha haw puiah a rawn sawm ta fan a. A hmai a uang lo teh e. Khang hunte kha hrehawm viauin lang mahse....lung chu an ti leng ve tho mai...