I duh ni rawh !! (Matric pass hlimte pual)

A hmasa berin mi tam tak lo tan thinna in pass chhuak ta hi ka lawmpui che u a. Amaherawh chu nangni aia pass chhuak hmasa hi an tam tawh lutuk tih hi hre phawt ula ka duh a ni. Distinction-a pass-a Top 10-ah i lang a ni emaw, 3rd -a pass tawng tawng i nih pawhin hei hi chhiar chhuak la ka duh a ni. Tunah khan enge nih i tum le? 

Tunah khan eng ang chiah in nge i hma lam a zir leh i tum le? I tui loh pui i zir chuan nangmahah nunhlimna a thlen ngai dawn lo che tih hi hre rawh. Pass that em vanga Science lak ngawt i tum a nih chuan ngaihtuah that a tul khawp ang le. Chutih rualin Arts lak vanga zirlai awl ta viau lah a ni hek lo.

JF Laldailova Dictionary Download Dan

JF Laldailova Dictionary based hmanga Mizo-English  leh English - Mizo Dictionary, Zolife siam hi i lo download tawh em? Mizo tawng emaw, English emaw in i thumal (word) duhzawng kha i search mai thei a, a awlsam em em a ni. Chumai bakah thumal i la dah belh thei chau asin!!

Chu Dictionary tangkai tak chu tunah hian kan download dawn a ni.

1. A hmasa berah chuan he lai link JF Laldailova Dictionary tih hi click la, chuan a hnuaia entir ang hian Download tih khu i click mai dawn nia.

2. Download i click hnu chuan a piaha thlalak i hmuh ang hi a lo lang ang a, account i neih tawh chuan box buang (brown?) a kualkhungah khian Login tih aiah khian i email address leh password-ah khian i password ziakin i login thei ang. A nih loh chuan box sen lam atang hian account thar i siam thei a, tin, facebook emaw, twitter emaw, google accout hmang pawhin i lut thei bawk .

Pawan Hans leh Mizoram

Thing delh loh lung delhloh ni ta fam chu, Zofate hmasawnna chu a lo thang ve zel a. Tunah phei chuan Mizoram chhung district khawpui tin chu helicopter hmangin a kal theih ta. Ram hruaitute an fakawm hle mai.

Mahse, Pawan Hans hi a lo hmingchhe ve fo tawh a. Kum hnih chhung lekin DGCA-in Accident report a tihchhuahah chuan an lang malh malh hle. He tih lai hian kan hruaitute chuan a tha zawk ni a ngaiin kan la lut chu a ni a. Thluak fim taka an ngaihtuah hi a thatna chu a tam ngei ang. Damlo emergency tak takte chuan hmun pui lam (k)an pan zung zung thei tawh ang a. Eng emaw nikhuaah pawh kan VIP-te pawhin awlsam takin hmun kilkhawr zawk an thlen phah thei ngei ang. Mahse mi tam zawk chu kan chuang thei dawn lo tih a chiang a. Kan milian leh thiltithei ten kan kawng chhia min helsan zel chuan, kan ram kawng hian a tuar mai lovang maw.?? Min chuanpui lai pawhin a chhia a nih chuan, hmabak a thim viau lovang maw?

Train aiah Flight (Zoram ka lokir e)

Furtui leh mittui an liam a
Favang khua leh hmangaihtu aw te an liam hnuin
Thlasik khawvawt kara Krismas hmang turin
Zoram, ka lo kir e

Hnam dang karah, tawng thiam sawih sawihin bul kan tan a, Mizoram haw theih hun kan nghakhlel em em thin. Tawng kan lo thiam chhova, kan  nghahhlelh chu a la ngai reng a. Tun thleng hian ala inthlak lo a nih si hi. Mahse indem thei ka ni lo. Ka pian ka seilenna, ka Zoram a ni tlat!

Mi tam zawk chu thlawhtheihnain an haw leh ang a, hun rei lote chhungin an thleng zung zung ang. Mahse, ka pa thawhchhuak ka la rin tlat avangin ka duh ang leh ka chak ang ngawtin ka awm thei si lo. Thiante zingah a mawi  zawnga sawiin 'Experience kan neih phah alawm' kan han ti leh ngawt ang a, chung exerience te  chu tunlai nula/tlangval ngaihsan loh zawng tak a ni si a.

Tawng kawi khat pawh ka thiam hmain Delhi RS-ah khuan vai pakhat nen kan intibuai lek lek tawh a, tawng ka thiam loh vang khan ka zam chuang bik miah lo. Sikkimese nula nena Train-a kan inbiak chhoh dante kha hre ve ula chuan Train chuan in chak lo bik kher dawn emaw nile, mahse kan inbe zui leh ta chuang miah lo nia. Naga nula ka tanpui kha chu a lawm ve hle ni tur a ni, ka nu leh pate a lo han phone chung mai alawm. Khangte kha rel-a ka chuan vanga ka tawn vek asin. Vawi khat chu ka thianpa nen Guwahati atanga kan chhuk tur, ka thianpa aia chhuak hma tura inngai kha ka tlai ta si (train delayed vangin), tih tur vanzia kha aw!! Mahse Pathian hian engkim a lo duang lawk vek thin tih ka hriat phah ve tlat. Ka thianpa liam hnu lawk chuan Haflong lam Mizo an rawn kal a, an hmel en mai chuan thil hre hmel vak chu an ni bik lo. An fanu rawn hruai chu a tuk tukleh-a MBBS interview tur a lo ni a, lehkha an hmu har lutuk a an tlai phah tep chu niin. an ticket chu confirmed a nih leh nih loh an hre si lo. Kha mi tum ka buaizia kha ka la hre reng, mahse a hnuah nuam ka ti veng veng. Phur taka mi kan tanpui hian kan tan a lo tha a nih hi ka tih phah ta a.

Chuvang chuan tun tum pawh train-a haw leh ka tum a. Khang zinga eng ber emaw pawh kha tawng leh ila nuam ka ti leh ngei dawn si a. Mahse, PA thuchhuak angin mi hausa tih angin eng flight emaw ber chuan ka haw ve dawn a nia. Ka pa hnenah huan kum 1-a vawi 2 bak thlawhna chuan man ka dil ngam lo hrim hrim. A phal ve tlats..Changkang deuhvin ka inchei ang a, mi hausa fa ni awm takin ka inchei bawk ang. Vai hovin min zah turzia chu a..

Aizawl-ah rei lote ka cham ang a, chumi zawh chuan kan khua Serchhip ngat-ah ka haw ang a, hmangaihna dik taka min hmangaihtu Ka nu leh pate leh ka chhung lek khatte nen tun krismas leh kumthar chu nuam takin kan hmang ve thei dawn a nih hmel.

He post hi kumin atana ka post hnuhnung ber a ni tawh ang a, hemi blog atanga a hnung ber pawh a  ni mai thei!! Nia, www.alengl.com-ah hian kan inhmuh leh ngei ka beisei, ka buaipui chho mek zel e. 

A tawp ber atan, 

Kan inhmuh kan intawn leh hma zawng

Pathianin vengin awmpui che u sela

A thlazar hnuaiah hlim takin awm ula

Kan inhmuh kan intawn leh hma zawng

Krismas leh kumthar chibai vek ule.

Tlangrokhuma Lemziak : Naupang

Chakai khawrh

Kan naupan lai chuan inrinni leh sikul chawlh apiangin kawmthlang lui lamah kan liam thla a, chakai leh kaikuang te bakah ngha te  (sangha te chi hrim hrim ..lungdawl..etc ) te man turin kan kal ve thin. Kan man chhun chhunte chu insem mai lovin, tlai lamah a kal zinga tu emaw berte inah kan ei ho leh dial dial thin.

naupang inbual

Tlai sikul ban vel hian tuikhur lamah naupang tam tak chu kan liam thla ve dial dial a, nuam tin reng sual tel si lovin kan chen thin. Tuia in leih thut thutte kha a lo nuam ve ngawt mai. Sikul chawlh lai vel leh hunpuiah chuan nu leh pate nen lui lamah kan kal ho thin a. Kan hlim ve thei khawp mai..tunlai naupang hian khang kan hlimnate kha an hre ve tawh der mai si lova...

Tui chawi

Tleirawlho chuan tlai lamah tuium nen tuikhur ami tui an chawi thin a, an hlim ve tho ka ring..mahse ka hriatpui lo..:)

Lo sul hmuak

Tlai khua a lo ngui a, lo sul haw a lo hun ta. Naupangte chuan an nu leh pate chu lungdawhahte an lo hmuak a, an nute`n eng nge an rawn hawn tih chu mipa naupang chuan hriat a chak ber thin.

Bazar Bungkawn

BONUS:


Eng ni leh kum nge ka hre lo...mahse a rei ve tawh hle...

Ka dilnate min tihhlawhtlinsak avangin Pu Tlangrokhuma hnenah lawmthu ka sawi e.

I din thar leh ang u

Chanchin Tha-in kan ram a rawn luh hnu-a kan changkan tak dan te, zirna lama hma kan sawn chakzia leh India ram pum-a ziak leh chhiar thiam lama pahnihna hial kan lo ni te hi Pathian malsawmna a ni tih hai rual a ni lo. Thiamna sang zawk beiseiin kan thalai tam takte`n mahni in chhung lum pawh thlahlel zo lovin, hnam dang karah, thin phu dep depin an awm a. An thawhrimna leh an tumruhna rah thlum tak chu seng ngei tura tan nasa tak an la hmuh hi chuan a thlamuanthlak em em thin a, a lawmawm bawk a ni.

Bazarah han chhuak ila, thalai rual inpel suau suau han hmuhte, an thuam mawi tak tak han hmuhte keini ang chuan "Kan ram chu kan lo va changkang tawh tak em!", kan ti mai ang. Mahse, kan incheinate chu mawiin a mante chu to hle mah se kan mawina chuan en chet a dawl lova, hnam dangte hnuihsawh kan hlawh leh mai thin. Hei hi zawng a pawi a ni e.

Zu in hi sual a ni em?

Zu hi eng nge? Zu kan in hian kan taksa-ah engtin nge a thawh?
Zu chu thlai, thei leh til dang dang atanga siam, ethyl pai tel a ni a. He ethyl hi rawng nei lo, awlsam taka kang mai thei leh mihring nunna atana hlauhawm tak a ni. Zu kan in hian 20% chu kan pumpui-ah a cham bang a, a bak zawng 80% lai mai chuan ka rilphir a thleng thla thin. Kan timur hlawm(tissue)-a Zu a lo luh chiah khan kan taksa leh kan ngaihtuahna a khawihbuai a, zu kan lo rui ta thin a ni. Kan zu inte hi kawng thumin kan paih chhuak a,kan kal(kidney), kan lung leh chuap atangin.


Zu leh Mizoram:
Kan Zoramah hian 'ZU' tihhian hmun a va khuar nasa tak em. Vengthlang hmeithai in atanga kan Pulpit thlengin  hmun a khuar a. Mizoram UT a nih hnu kum 1972 khan Legislative Assembly hmasa chuan Mizoram Excise Act, 1973 siam a ni a. He dan hi Mizoram Excise Rules, 1983 nen kum 1984 October ni 10-ah hman tan a ni. He dan hnuaiah hian Aizawl-ah sorkar remtihnain zu dawr 10 leh Bar 4 a awm a; Lunglei-ah zu dawr 4 leh Aizawl-ah Liqour Wholesaler 2 an awm.

Zohnahthlak hi tute nge?

Mizo kan tih hian mi tam tak chuan 'Mizorama cheng, Duhlian tawng (Mizorama kan hman tualleng ber) hmangte hi an ni e,' an ti ngei ang.  

"Mizo chu Chin-Kuki peng atanga hnam peng khat, Mizoram leh a chhehvel Manipur, Tripura, Assam bakah Myanmar leh Bangladesh-a awmhmun khuar ta te an ni" tiin  Mizo Story-ah kan hmu a. Mizo tih chuan Kuki, Hmar, Paihte, Lai (Pawih), Ralte leh Mara (Lakhers) (3) etc.te a huam vek tih kan hmu bawk 'Mizo chu Mizo tawng hmang ngei an ni' tiin wikipedia-ah kan hmu bawk.

Pathianin kan thatna turin engkim a thawk thin

Based on a True Story

Delhi khaw lum uap churh chu chhuahsan tum ni awm tak chuan hmanhmawh takin Auto chu ka la a, ka thiannu in luahna lam chu ka pan ta a. Ka thiannu chuan nghakhlel tih hriat tak chuan min lo hmuak a, kan hmelah hian kan sawi tur chu hmuh theih ni se zawng; harsatna kan tawk mek a ni tih kan hre thei tur.
Chaw kan ei khama thut khawmuan pah chuan bathlarah chuan kan thu a, kan hun tawnte leh kan thil tih thinte kan sawi zel a. Lamna hmuna a kal chak leh chak loh ka zawha min chhan dan chuan min va thawng tak em!!

"Kum li vel liam ta kha a ni a, chu chu Delhi-a ka awm tirh a ni. Kan tawhna Hotel-a kan Manager (Nula) chuan kei leh ka thian pali vel chu lamna hmuna kalpuiah min sawm a, chinchang engmah hre lo kei leh ka thiante chuan engtin nge lamna chu a awm tih hriat nan tiin kan kal ve tur thu chuan kan chhang ta a.

"Ka thian pahnih nen chuan bang nghengin kan ding a, kan pi leh a thiannu lam chu kan en reng a. Lamna an khar dawn thlenga kan awm hnu chuan haw dan tur kan ngaihtuah ta a. Tlangval pakhat hmelchhe lem lo tak chuan min thlah a hreh loh thu a sawi lai chuan kan pi chuan midang min sawm ve tho chu a tha zawk e, hepa hi inthlah tir ang a ti a, a motor-ah chuan kan lut ta a.

Muhil thawh a hun e

Nia, thalai muhilte thawh a hun tak zet ta. Zing ni chhuah ruala i thawh loh khan ka dem lo che a, in vawkpui chaw ngen ngek ruaih ruaih pawhin a tih harh zawh loh che avang pawh khan ka dem chuang lo che. I nu`n tukthuan ei tura a kaih thawh a tum che a, Suangpuilawn a la ti ta ta deuh deuh tih mai tura i puankawp i la sin that surh surh kha mak ka ti lo. Mut hi a nuam a, taksa tan pawh a tha ngei alawm. Mahse maw, i mut tam lutuk chuan i pang tite a lo kham ang a, natna tha lo zawk in a nangching mai ang che. Chumi a thlen hma chuan tho la, tho thuai rawh.

I ram tana i thawh pawh hi a hun tawh asin. Rorel lai party thil tih that loh sawisel rengtu chuan i sum ngainat luat avangin inthlan dawn meuh chuan i lo angel var hmuh leh mai zel a, an hnathawh tha lo tak takte leh hna tha an thawh lohte chu hmuhhmaih ni awm takin i lo thlang tling leh thin si. Tu thiam loh nge? Tunge indem thei chuang awm? Nang leh kei lo chu ram tana tho tur kan awm chuang lo asin.

Mi fate chuan i puankawp i pawh sawih sawk sawk lai khan hmatiang sawn zai relin, chemtum nen thlawhhma lam panin an liam suau suau tawh asin. Nang lah thlamuang takin i la mu thlurh thlurh mai si. Aw, ka thian,i dawn chiang lo a ni. In chhungkaw inghahna i la ni mai dawn tih i hre lo em ni? Nge, chakna reng i nei tawh lo?

Zo Blogosphere

             Vawiin chu ka hman ngei mai, Ambedkar Jayanti  a nih avangin kan Institution chu kan chawl leh pek a, a nuam ve mai mai thin hetiang chawlh awm hi. Kum 1891, April ni 14 khan Bhim Rao Ambedkar chuan a khawvel a lo hmang ve tan a, a hringnuna harsatna a tawh hrang hrangte chu kan sawi vek seng lo ang. Amah hi kan hriat theuh angin Chairman of The Constitution Drafting Committee a ni a. Tin, Law Minister a ni hmasa ber bawk a ni. Zirna lamah University of Mumbai atang te, Columbia University atang te, University of London atang te leh London School of Economics atang tein M.A., Ph.D., D.Sc., LL.D., D.LITT. leh BARRISTER-AT-LAW –te  a pawchhuak a. Bharat Ratna hialte pawh lo dawng tawh a ni. Nupui pahnih a neih hnu ah December ni 6, 1956 khan kum 65 mi niin mual min liamsan ta a. India chuan a chan ropui hle a ni.
             Thupui  lamah kan lut leh tawh ang a, chutianga chawlh kan neih takah chuan tiin ka Antivirus chu update tir turin kan venga Cyber Café-ah chuan ka kal a, rei pawh ka nghak lo, ka nin deuh avang chuan System chu la vein ka thu ve ta ran a. Facebook leh Twitter ninawm tak chu thlawh bosan chuan kan Mizo kutchhuak ngei mai blog (bawk??) hrang hrang chu ka en kual vel a. Thuziak thiam tak tak maiin duhtawka an ziak han chhiar chu a nuam duh ngei mai. Mi chi hrang hrang, kei ka ni inti chin (ka rin thu mai mai) chuan an duh dan leh an ngainat dan chuan an thu chu an han thluaithlum vel hmuh chuan mahni blog(bawk) chu a insih theih ngei mai. A thenin thlangsappui tawng ngei mai hmanga thu an han ziakte chu chhiar a man hla em em a, keini ve the lul chuan engtik khawtikah mah kan ziak ve thei awm si lo tiin ka inngaihtuah rauh rauh a.  Kan thiam ve hun chuan Spanish emaw, Français emaw a ziak an intihhmuh leh tawh ang a, ti tein ka nui tut tut a.