Ka Thianpa Thuama,Supandi of My Life

                  Ti khan i lo piang chhuak ve a..nau piang dang ang bawkin..nuamsa bik miah lo vin i nuin a hring chhuak che a nih kha.In chungkaw khawsak dinhmun harsatna leh sum leh pai dinhmun hre miah lo vin i lo thanglian a...Naupang dang ang bawkin uite rim nam rual i lo nih te khan,i nu leh i pa te kha,hneh theih loh,eidak theih loh khawpa hausa leh thil ti thei hriat khan i rawn hre chho va!I pa lah kha ngam loh nei miah lo khawpa huaisen leh bawnra khan i hria a.Thlamuang takin an karah laikhum i zal thin.Hun lo kal zelah lung delh loh thing delh loh na fam chu thingnawi fawm rual i lo nih te khan i nu an hla pui, "Mipa fa tak hi chu aw....in va tangkai lo tak em" tih hlawh nitin chung khan sikul kal leh tlanbo leh dai vah mai mai in zat nawkin ni leh thla i hmang ral a.Pawl 4 i zir laiin lehkha zir hi chu i englo thenna a ni dawn lo tih i hre chhuak ta a.. Ram a lo buai a,ram hmangaihtuten ram leh hnam chhanhim nana an rammutna ah tel ve i tum a,mahse naupang mai ila nih a vangin in lama rinawm taka ram tan lo thawk tura hnutchhiah zingah i tel ta zawk a.I lungzurin i lawmlo hle a.Amaherawh chu i duhthusam ber sikul ban erawh chu i vanneih a siamin i hlawhtling ta hlauh thung a nih kha!
                   Ramtang rual i lo nih khan Mizo Sipai lamah i in hnimphum thei ta si lo khan Vai sipai lam kha i pa khan i nu phal lo chung chung,"theih dah lawmaw" tih rilru puin a sawi mawi pui ta thung che a...kha thu ropui in chhungkuaa in rel zan kha chuan i nu kha chhin khat pawh a chhing lo a nih kha....!!Mahse maw,i nu tawngtaina vang nge ni,Sipaia in tlar ni khan nang aia pumraw lian leh fuat nei kha an lo tam deuh nge ni,hnawlpawlah i lo tel leh ta zel a!!Khami tlaia in a i lo haw zet kha chuh,i nu tan chuan fapa chhuanawm tak,sipai huaisen,indonaa chawmawina tangkapui dawng lo haw lawm takin a lo lawm a nih kha ti raw! A neih phei chuan tlin se chu ran lukimin a lo lawm duh ngei ang che!!A duh thusam ang ngeia a fapa sipaia a tan tak loh a vangin !!

                   Chu lo pawh chu tam tak,i lo puitlin hnua chhungkaw chawmna tur atan a tha ang e tia i nu leh pa remruatna leh ruahmanna zawng zawng te chu thuawih tak leh fel takin i ti zel a...He mi kawngah erawh hi chuan fak tlak i ni tak meuh mai.Mahse,mi tam tak chauh thu ba rawh ang bawkin,"sawipuitu tha neih loh vang" "duhsaktu neih loh vang" ah a kal ral zel a nih kha....
                    Mahse mahse...tunah,hahmai bal siu seu,taksa mamawh tur ang pawh ei phak loh a vanga mawng dep zi ze,rualpuite'n nupui fanau tu mawng thlenga an bena,an in ben bel hnuah..ei zawnna bul tan nan eng eng emaw i buaipuia..i hlawhchham zel hnuah hian...beidawng lova taima taka ti tauh tauh tute malsawmtu Pathian,Engkim Titheia chuan i tan liau liauva a lo dah sak che chu i hre chhuak ta...Mahse hei pawh hi thil awlai a ni lo...Lehkha thiam thluak tha tak tak pawh an beidawng a...!! Mahse nang,pawl 4 beidawng khan in tum mauh mai a nih kha!! Chutah zirtirtu tur che hmel in hmu a,i fa rual awm vel te te hlir lehnghal !! " I tum tawh a,i ti tlang ngei tur a ni...he thil hi a la tha dawn lutuk,ti hram rawh" tia fuihtu che hmai zah vang liau liau vin in ti ta rawih a nih kha.Engtin chiah nge i zir a,engang harsatna chiah nge i hmachhawn tih ka hriatpui miah hmain zan khat ka in chhung i lo lena ka biakhlatna chingkuanglo,ka buai ka buaipui min han laksaka,awlsam zeta a hawnna pawh ka hriat loh in kheuh zeuh a,a inhawngthei tih pawh ka la hriat loh lo in hawng ta phek mai te kha...A dik tak chuan,a chhesa kha i tih chhiat belh riau riau ang tih ka lo hlauh ruk reuh reuh laia rin loh tak mai leh awlsam zeta i kawrhma ipte a tanga pen tiat lek in vilik zeuh zeuh va lo tha ta mai kha!!! A mak ka ti lutuk!! A lawmnan i duh em em BAUH BAUH sa ngei kha!! Ui miah lovin kan va lei duna!!A tlai a tlaiin kan han siam dun leh a nih kha!!
                   Thuamte,,nangmah a vang hian hengte hi ka hre chhuak ta!! Thil reng reng hi tlai lua a lo awm lo a nih hi....Tihtak zeta ti tute leh beidawng miah lova ti thin tute hi Hmangaihtu Pathian chuan Mal a Sawm ngei ngei dawn...Mihringte hian theih chin nei mah ila,Pathian tan chuan TIHTHEIHLOH reng reng hi a loawm lo mai pawh ni lovin,A Dictionary-ah hian a awm ve reng reng lo a nih hi....!! tih te hi....!!!

by- Pu Rinliana