Missionary Break-up

Ka room-a ka inkhelh lai chuan ka thianpa hi a lo lut a, a hmel han en mai pawh chuan sawi duh tam tak a nei tih a hriat theih a. Lungngaihna tam tak a nei tih hai rual a ni lo.

Ka thianpa hi Missionary a ni a, keini ang bawk a mihring a nih avangin harsatna tam tak a tawng ve tawh thin tih chu ka hria. Mahse, tun ang em em-a a hlim lo hmel hi ka la tawng ngai lo! A meng dul ruih leh a sam bua chuatte chu hmuh hmaihsak tum mahila, a chetdan chuan engkim a sawi vek si. Ka khum-a a thut hnu chuan a bialnu nena an chanchin chu min hrilh ta a.



A bialnu chu amah ang bawka Missionary hna thawk a ni a. "Hlim takin an awm dun ang a, nupa inrem takin fanau duhawm tak takte an la nei ang  a", tih chu kan rin dan a ni. Mahse, Khuanu ruat tidanglam thei kan awm si lo. A hmangaih leh a thlakhlelh em em nen chuan an inthen a tul ta. A bialnu chuan kohna a dawng a, chu chu khawchhak lam rama Chanchin Tha hril a ni. Chu kohna chu chhan ngei a duh laiin amah chuan India ram hmun kilkhawr tak taka sakhaw zuitute chu a vei em em a. Chu ngei chu a hmaa an lo duan lawk thin a ni si a. Kan hma lam hun hi kan lo va han hre lo tak em aw!!!

Ka thianpa ngaihdanah chuan "Nu chuan inchhung lum atangin a pasal leh an fanaute a enkawl ang a, chu chu Pathian tana a rawngbawlna a ni dawn si" tih a ni. Hei hi a bialnu ngaihdan ni ve tho mah se an awmdun theih loh chuan mihring kan ni a, famkim lo kan ni. Harsatna hrang hrang lo thleng thei tam tak a awm tih an hre si. Mahse, Pathian kohna an hnar ngam si lo. "Ka hmangaih ber che asin" tia biahthu an inhlan laite kha an hre reng awm si a. Khuanu ruat dan hi a lo va mak em!

Tunah chuan rilru puitling puin Pathian kohna apianga kal turin an rilru an siam tawh a lo ni a. A sawi zawnga a hmel lo danglamte chu ka thianpa ka hmuha ka la khawngaih ber tum a tling ngei ang.
Hmangaihtu`n a hmangaih suala a tluk a phal si lova.


HE POST HI
KA THIANTE PAHNIH TAN HIAN KA HLAN A, PATHIAN AVANGA CHAN NGAMNA NUN AN NEIH AVANGIN NAKINAH NASA TAKA MAL A LA SAWM NGEI KA RING TLAT A NI.

KHAWIAH MAH, ENGTI KAWNG PAWHA CHHUAH CHHAWN EMAW LAK CHHAWN/CHHUAH CHHAWN PHAL A NI LO.

THALAI TAM TAKTEN, HMANGAIHNA HI ENG NGE A NIH KAN HRIATCHIAN THEIHNAN A NI E.