Ka zir loh ka thiam!!

Nu leh pa-te hian an fa hi lehkha zir tha a, mithiam tak la ni turin min duh theuh va. Chuvangin, neih thinglung khawng tak meuh meuhin 'finna ril zawk kan puak chhuahbeisei tak chungin leh rual kan pawl ve theih nan', tiin min zirna run min belh tir a. Mahse, kei atan erawh Cho loh tha Hmingliani a lo ni e.

A B C kan han zir chhova, thiam sa reng reng kan lo nei si lo. Chunnu lu a hai awm e. Kan lo leikang leh deuhva, 1 2 3 lam kan zir ve ta. Khang hun laite khan lo zir tha i la chuan, tuna Trigonometry ka thiam lo lutuk hi chu a zia deuh mahna. A tlai tawh si.

Tlai khua

A mawi ngei e

Tlai ni lenkawl a eng ruai e,
Keizawng lung min len ngei e
Thinlaian i thar nang ngaih a zual
Phuloh Thapui engan ka lo tawn che...

Real life Facebook wall

U n I chuan Real life Facebook Wall a siam ve dawn ta. Eng nge Real life Facebook Wall chu?? I in-register a nih chuan i Facebook Profile picture chu thlalaka kan hmuh ang hian midang thlalak nen kan dah chhuak dawn a ni. A hnuaia Login button hmang emaw facebook username emaw hmanga in-register tur a ni e. Fcebook Username hmanga i hming i submit a nih chuan a hnuaia form-a message dahnaah khuan i facebook username chu i dah dawn nia. Facebook username nei lo tan hetah hian a siam theih e. A tam thei ang ber hnenah lo hrilh darh ve rawh le...

Mango Shake

Vawiin ka haw chu ka dawr luhna thinah chuan ka lut kawi leh a, ni danga ka lawm em em thin leh ka lei ziah thin chu a lo awm ta lo. Chu mai a ni lo, a awm lo char char tawh ang a, nakum tun ang hunah chiah a awm tawh ang a tih chu!!

Engtin nge he thil hi ka hriat tan ka hre lo. Mahse, nitin zantina in thinin a tel lova awm harsa a tih dan tur chu i hriatthiam ka ring. Tlai inkhelh chauh hnap zawha in leh kea kal chauh deuha in chu a inang reng a. A tui dan a dang eih lo. Chak em em-a in han tui bikzia erawh hahipa sawi tham a tling ngei ang. Chhun  nisat vanglaia thingbuk hlima thut paha han in khawlh khawlh phei chu a ropui thlawt asin. I la hre ve lo a nih chuan nakumah i ti ve chhin dawn nia. Kuminah chuan a theih tawh tlat loh.

Hmangaihtu aw

Hmanah chuan maw…
Nu leh pa thlazar hnuaiah kan nui bawk bawk a, hlimna leh lawmnate chu kan ta ni bik hliah hliah hian kan hre thin. Rualpuite nen kan infiam a, kan inhnial a, kan insual bawk thin. Kan duhzawng leh chak zawngte kan sawi a, ‘Ka len hun chuan chumi khami chu ka ni ang a, chuti ang chuan ka awm ang,’ tiin duhthu kan sam thin. Khang hunte kha nunhlui mai an chang zo ta.
Thil inthlak chu…
Ka la hre reng, “Ka len hun chuan Lawng sipaiah ka tang ang a,” tia ka sawi ve lai kha. Ni a liam a, kum a vei zak zak hnu chuan ka nih tum chu ni thei mai dinhmunah ka ding ta reng mai!!! Interview hmachhawn tura kohna ka lehkha te chu ka keng a, beiseina nen ram thim lam chu ka pan ve ta.

Masturbation hi ringtute tan sual a ni!!

He thil hi mi ringtu tam takte inhnialna leh kan buaipui a ni reng thin a, a la ni reng dawn a nih hi.
Kan Bible-in chiang takin min hrilh loh avangin inhnial tak tak a awm reng a, amaherawhchu hriatthiamna ril zawk nena Pathian thu kan thlir chuan sual a nih thu kan sawi thei ang.

Mi thenkhat chuan, "Kan tisa chakna chu midang laka kan hrikthlak loh a, keimahni-a kan tlingtlak mai hian a sual em ni?" tiin an sawi thin bawk a, mahse kan Lalpa Isua khan, kan tan a tuar a, Kraws lerah kan sualte tlan nan a thi a. Chung a tuarna avangte chuan kan taksa nawmna chauh chu kan zawng tur bik dawn em ni?

Nghilhni reng i awm thei dawn si lo

"Khuarei hian min la hnem mah na" tia ka dawn changin, ka phal si lo kan nun khuarei an chang tur chu. Theih nise, i kianga, i thlazar hnuaia hlim tak leh thlamuang taka hun hman hi ka nuam asin. Mahse theih chang hian an mawi tawh si lo.
Ka kianga i awm chuan ka hlim a, tumah dang reng ka ngai ngai lo a nih kha. Eng hian nge maw kar min dan ta le, nang nen a intawn ni a her tawh dawn si lo. Kum sul tam vei mah se i hlui thei si lo, aw ka tawnah. Leng dang zawng chuan hlimten an duhlai tangah an bei a, kei zawng, i tel lo chuan hlimdan reng ka hre si lo.
Nunhlui ngaiin kur kur mahila, koh kir theih an chang tawh si lo.

Zohnahthlak hi tute nge?

Mizo kan tih hian mi tam tak chuan 'Mizorama cheng, Duhlian tawng (Mizorama kan hman tualleng ber) hmangte hi an ni e,' an ti ngei ang.  

"Mizo chu Chin-Kuki peng atanga hnam peng khat, Mizoram leh a chhehvel Manipur, Tripura, Assam bakah Myanmar leh Bangladesh-a awmhmun khuar ta te an ni" tiin  Mizo Story-ah kan hmu a. Mizo tih chuan Kuki, Hmar, Paihte, Lai (Pawih), Ralte leh Mara (Lakhers) (3) etc.te a huam vek tih kan hmu bawk 'Mizo chu Mizo tawng hmang ngei an ni' tiin wikipedia-ah kan hmu bawk.

Tawnmang - II

( Tawnmang - II kan tih ringawt chhan chu, Synod Higher Secondary School-a kan kal lai khan Tawnmang - I hmangin Udayee te, Ali te nen 'Needo' spaceship hmangin vanthengreng kan lo han fang tawh a. Tunah a pahnihna ka rawn dah a ni e. )

Nuai tam tak senga ka zir, ka zir chhuah tak lovah chuan mahni khaw lam pan turin ka puanthuah chu ka tel a, chak lovin thih hreh takin hreh mahila tihngaihna dang a awm si lo - tlanbo mai loh chu. Chu lah chu ka ngam der mai si lo, kei mi dawizep hian.

A hun chu a lo thleng ta. Sahuai ni do ni awm tak hian lei lam ka melh deuh reng a, rilruah inthiamna reng ka nei lo.A hmaa min lo hmuah dan nen chuan a dang ngei mai. Exam zawh chawlh ka haw thin lai kha chuan hlim tak khan min lo hmuak a ni thin a, tunah erawh nui hmel reng hmuh tur a awm ta lo. Ka pa hmelah beidawnna ka hmu a, ka nu hmelah erawh khwngaihna kara lungawilohna ka hmu thung. Ka u erawh chuan tawngkam na tak tak hmangin min chhaih a, chhan ngaihna reng ka hre lo. Ka khawvel chu thimin hrehawm hle mahse beiseina nei lo chu ka ni lo. Chu ka beiseina chu ka naute pahnih an ni.