Chhungkaw hlimawm : Bung 1 Kan te ber.

"I tih ve ni..."



"nangmah a lawm..."



"Nichin paw'n ka tih tawh kha..."



"I fel kha, va ti leh lawk la..."



"Oh, sweetie khawngaihin va ti ve lawk mai teh..."



Kan inbiak dan chu eng pawh ni se, kan thu khel chu a ngai reng thin. Mi nu leh pa te zawng zawng an muthilh siai siai lai hian kei ni chuan kan naute zun thlak tura khum kan thawhsan a ngai thin a nih hi.



Khum bul lawkah a mutna hung kan ni bawk a, buaithlak em em erawh chu a ni lo; Mahse, regular basis chuan thil hi a lo ninawm ve thei thin. A ninawm avangin han ti dawn lo ngawt i la zan hnih vel bak chenna tlak a ni tawh lo ang... Boruak chhia, boruak chhia...

Zawi muangin kan naute khuhna puan chu ka keu a, diaper nen chuan muthilh ve hle hle awm tak hi a ni a... Ka han phelh chuan muthilhna chi a nih lohzia ka hre chiang hle. Khatiang em em a tam kha kan naute teh lul hian eng tin nge a lo san chhuah theih ka hre lo, a rim lah chu mit ti pual thei dawn khawpin a tak tha lehnghal a!!! Harsa ti taka ka lak lai chuan min lo la nuih ver ver zui a, aw LALPA!!! Pa berin zan laiah tui lum nena ro ka han rel takah chuan chenna tlakin ka chhuah leh hram a ni.



Zing ka thawh chuan kan naute chu walker-ah a lo thu leh vang tawh a, a nu hi a fakawm khawp mai. Ka mut kham lo hmel chu nge a lo nuih zat a, min hmu chu a hlim tih pawh hriat loh hian a lo nui ver ver a. Naute chuan hlim takn min rawn pan a, chutiang hunah chuan pa ber hi hlimin ka nui leh thin.



Inphihfai hma hauhin ka han pawm kang a, a sawithiam hmasak ber "poo poo" a ti zui zat... Karei, ka pawm kan hma khan zunna hun a tam teh reng nen, ka pawm ve leh a poo poo ta teu teu mai a..

Species thenkhatte'n an naute an ei mai hi mak pawh ka ti lo ve.