Chawhchawrawi rawih

Rawih 1-na:

Kan zing thote hi kan han bui chuk a, tha reng reng a tho eih si lo. Nilengin kan ni churh a, kan kalte hi kan kun ang ta tluk tluk a, tihngaihna dang hriat loh chuan a pumpelh theih mai bik si loh. Rilruin vai fim a hmu kur a, hlim lai nite mitthla changin mit a thip em em a. Hmangaihnain a back-kick tawh chu an nawi nuaih an tihte chu hre ru kur chuan kan han inthiam chawp ve leh mai a, thiam erawh kan chang chuang si lo. Ni lukin ni kan vuiliam a, zan lamah lah eng eng emaw kan ngaihtuah ve tum hrang a, theih nise..kan inti zantin mai a nih hi.
Mahse maw,

Ka lungmawl vangin ka lungleng lova
Ka khaw hlat vangin ka khawhar hek lo
Thiante thenin
D`in D dang D mahse
Chhungte ka chhun chhung chu
Kei hi kei ka ni reng ang
Keimaha keimah kha keimah ka ni tlat si

Rawih 2-na:
(More than words)

Nizan ka mu chu ti hian ka ngaihtuah mai mai a, ‘mu chung lo pawn ka ngaihtuah thei tho si a’ tiin.
Ka ngaihtuah zel a, nimin ka hun hman dan ka ngaihtuah chhuak thei ta hlauh mai. Thing hlim atanga ka chhuah hnu chuan ka kal zel a, ka hmaa kalte chu ka um phak lo nachungin leirawhchan intiang ur ka kal pelh te, vaipa chhang dawr ka kal pelh atangte chuan hma ka sawn ve zel a ni tih ka hre thei a. Tun aia chaka ka kal theih chuan loh avang chuan ka theih ang tawk chuan ka bei ta sauh sauh a. Ka tum ram thleng tur chuan hma lak chu ka tum sauh sauh a. Chutia tan lak ka tum viau lai chuan chehpuah hian chak tak mai hian mi rawn tlan pel fua mai a, ka theihna zawng zawng sawm khawm a hmatiang sawn zai rel laia chutiang ka tawng chuan min tihnual hle a. Engmah ngaihtuah zui ta lo chuan ka mu ta daih a.

Rawih 3-na:

Mahni thuin a kal ngut ngut a
Han bia i la, mi a chhang ang hmuk hmuk a
A duh loh zawng han sawi hlek i la, a ti tau ang bur bur a
Hnathawh tur han hrilh i la, a natna benvawnte chu intihtheihnan a hmang emaw tih mai turin a thunawnah teh a hmang a
Zanah mut hun thlengin a meng a, thawh hunah a hnar suk suk a
Eirawngbawl aiin sual rawngbawl a thiam a
Hnathawh aiin pawisa thawh a thiam a
Knowledge aia hnarkaw zau
Thluak aia ngal chak
Neih aia duh ngah
Thluak thawl si
Hmelchhe si
Mawl si
Hur si
Ho si
A si
si
i
.