5ive Types of Love

            Hmangaihna hi eng nge? Chhang thei kan awm chuan kan chhan dan chu keimahni ngei pawhin a kan awih loh leh turte a nih ka ring. Hetiang khawp a thil ropui Hmangaihna hi enge a nih i lo en dawn teh ang. Eng nge hriat a har rual rual hian kan mifingte chuan chi hrang hrang pangaah an lo then a. A mal te tein i lo thlir teh ang.

           1. Agape (ἀγάπη agápē): Hei hi Pathian leh mihring inkara hmangaihna sawi nana hman thin a ni.
Chanchintha Johana ziak, bung 3 chang 16-ah chuan heti hian kan hmu a. "Pathianin khawvel a hmangaih em em a, chuti chuan a fapa mal neihchhun a pe a, Amah chu, tupawh a ring apiang an boral loh a, chatuana nunna an neih zawk nan. {For God so loved the world that he gave his one and only Son, that whoever believes in him shall not perish but have eternal life}". tiin.Hei hi hmangaihna a ni. Chatuan a hremna kan tawrh chu phal lo vin a fapa mal neih chhun chu min pe a. Chu chu hmangaihna a ni.

            2. Eros (ἔρως érōs): Hei hi Romantic Love an ti thin a, nula leh tlangval inkara hmangaihna a ni.
Romeo chuan a hmangaih Juliet hmuh theihna a nih dawn phawt chuan hmelma leh doral karah nunna thapin a lo kal ve thin a. Hei hi hmangaihna a ni. Hetiang thawnthu chu kan Mizo chanchinah pawh kan ngah kha. Lianchhiari lunglen tlangte pawh hi he hmangaihna avanga lo awm a ni lo em ni. Mi tam tak chuan an hlimpui a, an tahpui a. Chutih rual chuan he hmangaihna hi a awm thei lo an lo ti ve mek bawk a. Mahni ngaihdanah a in nghat tlat a ni.

            3. Philia (φιλία philía): Hei hi thian inkara hmangaihna awm a ni a. Indopui pahnihna lai khan sipai rual khat hotu chuan a naute chu tawlhkir turin thu a pe a. Sipai pakhat chuan a theih loh thu leh an piah lawk khura a thianpa thichhawnga awm chua  kalsan theih loh thu a sawi a. An hotupa beidawng chuan duhsakna nen a thlah ta ringawt a. Sipai chu rang takin a tlan a, a thianpa thi chhawnga let der a va hmuh chuan a pawm kang a, "Ka rawn tlai tep a ni maw?" a ti a.A thianpa chuan a ka a rawn ang a, sipai chuan rang taka a beng dawhin "Thianpa, i rawn kal ang tih ka  ring tlat a, chu hun chu ka lo nghak hram hram a ni. Tunah chuan ka zungbun hi la la, ka hmangaih ka nupui hnenah i lo hlan dawn nia" tih hi a lo hrilh a. Hei hi hmangaihna a ni.

            4.Storge (στοργή storgē): Hei hi chhungkaw kara hmangaihna a ni a.Nautein banga chem hriam tak chu a ngen a. Hmangaihna avangin a nu leh pa chuan an pe ang. A tan a tha lo tih an hre si. Mipa naupang meizial zu ru chu hmangaihna avanga zilh chang a awm ang a. Tlangval ruihhlo ngai pawh he hmangaihna avang hian a siam tha thei. He hmangaihna avang hian he thu ziaktu pawh hi a lo nul ve tawh.

          5.Thelema (θέλημα thélēma): He hmangaihna hi thil kan tih chakna emaw, thil kan duhna a ni a tih theih ang. Phurna tiin kan sawi thei ang.

         Heng hmangaihnate hi a lian ber leh a te ber a awm lo va, an vai khian an intluk vek kan ti thei ang.

Hmangaihna chuan engkim a tuar hram hram a, engkim a ring a, engkim a beisei a, engkim a tuar chhuak thin.