Zanlai au aw

A lo tlai leh tawh hle mai (a hma ti ila a dik zawk mai thei), rilru a kal ding leh ta ngut ngut mai.

Thla chu a chanve chauhin a eng a nih khi, a bula arsi de chiaite khian a mawina an hliah lo. An vai khian an mawi vek zawk.

Thlang lama ui bauh lauh lauh chuan eng emaw hmuh a nei a, kei erawh chuan eng emaw hmuh loh ka nei a ni chek ang, ka ngui nghiai ni. Thiante chu la mu lo ngat se zawng, ka ri bur but ngei ang, mahse, tawnmangah enge an tawn pawh kan hriatpui si lova, tihbuai ngawt a tha si lo.

Piang lo zawk se....tia ka dawn changin 'khang hlimna tam tak kha tu hnen atangin nge ka hmuh chuan ang?' tih chu keimaha zawhna awm a ni si!!!

Nichin lawka Counter Strike Source ka khelh laite kha a la rei loh teh lul nen...a rei ta hle mai.
"Min kalsan tawh suh aw" ka bengah a la ri nawn tluk tluk mai. Nia, kei chuan ka kalsan lovang che.


Kan Wallet lei, in khua ngeia kan lei, ka hluihlawn tak pawh kha, ka phawrh chhuak leh a. Hmanah khan a nalhzia ka lo hmu lo alawm mawle. A lo nalh khawp mai. A buan dante kha!!! Mahse, tunah chuan mawi min tihpuitu tur ka nei tawh lo. A liam tawh, I liam ni khan a liam ve nghal daih.

Chu, kawmthlang-a ui pawh an bauh leh ta vak vak e. A nuam tawh miah lo. I tello chuan luhlul chhuah pawh a nuam lo.

I zawhna ka chhan loh kha min zawt leh rawh, vawi khat chiah. `Eng nge Frequency?` tih kha. Min zawh hun huna chhan mai turin ka inpeih reng e. T-Shirt eng pawh ka la nei reng. Mahse, a da tawh lutuk.:)

Nichin khan hla ka download a, a nalh khawp mai....