Happy Birthday ~NEVER ALONE

Ka sana ka en a, zing dar 3 a ni tawh. Mut a har a, ngaihtuahna a kal ding mup mup hle mai. Ka Walkman ka la chhuak a, ka hla duh thin chu ka tiri leh ta a. The Moffats hla, Miss You Like Crazy chuan lung a tileng ngei mai. Fifa World Cup 2010 laia ka hun hmandan ka chhuikir a, zan khat chu he hla hi ka tlaivarpui ngei tih pawh ka la hria. Lung a leng a, kohkir theih an chang tawh si lo.



Hla dang ka ngaihthlak chhunzawm zel a, I tello chuan, Albatross sak ka ngaihthlak lai chuan eng dang mah ka ngaihtuah thei lo. Nia, sirah min hnawl mah se nghilhni reng ka nei dawn tawh si lo!! "Theih chang se lokir lehin hlimten lenlai chen leh i la", tia ka beiseina zawng zawngte chu beidawnna ruam thuk taka min hnukluttu mai an ni si.

Never Alone!! Ka dang ta zak mai, hla lunglenthlak tak tak chu ka hre ve tawh thin. Thiante`n 'Chumi chu ngaithla rawh, a nalh', an tih apiang ka ngaithla a, nalh tih tam tak pawh ka nei ve thin. Mah se, he hla zet hi zawngin Nunhlui a keng tel tlat si a le!! Nia, hlimni-a min lawmpui thintu, lungngaihni-a kan pan thin ngei kha a ni a. Mahse, mahse...Ka ngaihthlak lai chuan he hla min petu hmel chu ka mitthla riai riai thei a, chu ka mitthla chu rei lote chhungin mei alh hlawm lian tak chuan a rawn tuam hlup hlup a. Mittui mai an chang zo ta.

Kha zan kha zan lungngaihthlak tak a ni a, theihnghilhni reng ka nei tawh lovang. Favang hun nuam taka ruma min siamtu, a mawina chen thei lova lungngai leh hrehawma min dahtu chuan ka lung a len reng a. A tan liau liau a ka thuziak Never Alone chu chhiar theihin a awm e.

Kha zan, zan lungngaihthlak cham lo thlen hian, i thar leh si thin. Aw, Di Hlui....


You Are Never Alone